Pavlodar oblysynyń Baianaýyl aýdanyndaǵy «Maikýben Vest» kásipornynda óndiristik oqiǵa saldarynan jumysshy qaza tapty, dep habarlaidy ult.kz.
Bul aqparatty oblystyq memlekettik eńbek inspektsiiasy departamenti rastady. Vedomstvonyń málimetinshe, 1984 jyly týǵan taý-ken sheberi aldyn ala burǵylaý-jarý jumystaryn júrgizý kezinde aýyr jaraqat alǵan.
«24 shildede Baianaýyl aýdanyndaǵy "Maikýben Vest" JShS aýmaǵynda aldyn ala burǵylaý-jarý jumystaryn júrgizý barysynda 1984 jyly týǵan taý-ken sheberi qaza tapty», – dedi memlekettik eńbek inspektsiiasy departamentiniń basshysy Asqar Qapanov.
Qazirgi ýaqytta oqiǵaǵa bailanysty arnaiy tergeý bastaldy. Jazataiym oqiǵanyń naqty sebepteri men mán-jaiy anyqtalyp jatyr.
