Polshada 7 qarashada Krakov qalasynyń ortalyǵynda ótip bara jatqandarǵa oq atqan 24 jastaǵy er adam aýrýhanada qaitys boldy. Osylaisha, eki oqiǵa boiynsha qaza tapqandar sany 10 adamǵa jetti, dep habarlaidy ult.kz.
Malopolsk voevodstvosynyń politsiia málimetinshe, Mihail O. ustalǵannan keiin aýyr halde aýrýhanaǵa jetkizilgen. Ol birneshe ret otadan ótken. Alaida dárigerler ómirin saqtap qala almady. Er adam 9 qarashada tańǵy saǵat 04:30 shamasynda kóz jumǵan.
Eske salaiyq, 7 qarashada 24 jastaǵy Polsha azamaty kólikpen Krakovtyń Bas bazar alańyna kirip, ótip bara jatqan adamdarǵa oq atqan. Saldarynan alty adam – tórt áiel men eki er adam qaza tapty. Taǵy 15 adam jaralandy. Zardap shekkenderdiń arasynda eki politsiia qyzmetkeri bar. Olardyń biriniń jaǵdaiy aýyr.
Osy oqiǵadan keiin tergeýshiler kúdiktiniń Ostrovets-Sventokshiski qalasyndaǵy otbasylyq úiinen taǵy úsh adamnyń máiitin tapqan. Olar – 53 jastaǵy ákesi, 52 jastaǵy anasy jáne 21 jastaǵy ápkesi. Aldyn ala málimet boiynsha, olar da oq jaraqatynan kóz jumǵan. Politsiia kúdiktiniń bul ólimderge qatysy bar-joǵyn tekserip jatyr.
Osylaisha, Krakovtaǵy atys qurbandary, kúdiktiniń otbasy músheleri jáne shabýyl jasaǵan er adamdy qosqanda, qaza tapqandar sany 10-ǵa jetti.
Polsha prokýratýrasy oqiǵany yqtimal terrorlyq akt retinde tergep jatyr. Quqyq qorǵaý organdarynyń málimetinshe, kúdikti ásire ońshyl ideologiialarǵa qyzyǵýshylyq tanytqan. Tergeýshiler onyń áreketine ne sebep bolǵanyn anyqtap, sybailastarynyń bar-joǵyn tekserip jatyr.
Osy qaiǵyly oqiǵaǵa bailanysty Polshada 8 jáne 9 qarasha kúnderi ulttyq aza tutý jariialandy.
