Prezident Qasym-Jomart Toqaev Halyqaralyq «Qazaq tili» qoǵamynyń tóraǵasy Raýan Kenjehanulyn qabyldady, dep habarlaidy ult.kz.
Kezdesýde qoǵamnyń qazaq tilin oqytý ádistemesin jetildirý, qazaqsha kontentti kóbeitý jáne jańa tehnologiialar arqyly tildiń qoldanys aiasyn keńeitý baǵytyndaǵy jumysy talqylandy.
Raýan Kenjehanulynyń aitýynsha, OpenAI kompaniiasymen birlesken joba aiasynda 14 milliard tokennen turatyn qazaqsha mátin korpýsy qalyptasyp, 12 myń saǵat aýdiojazba jinalǵan.
Sondai-aq sońǵy úsh jylda Disney, Pixar jáne Sony stýdiialarynyń 13 tanymal filmi qazaq tiline dýbliajdalyp, úlken ekranǵa shyqqan.
Kezdesý barysynda Qazaq Tili Endowment qorynyń jumysy da tanystyryldy. Qazir qorǵa túsken jarna kólemi 824 million teńgege jetken.
Memleket basshysy qoǵamnyń jumysyna joǵary baǵa berip, memlekettik tildi úiretý jáne ǵylymi eńbekterdi aýdarý kezinde jasandy intellektiniń múmkindikterin barynsha paidalaný mańyzdy ekenin atap ótti.
