Prezident Qasym-Jomart Toqaev kelesi jyly bastalatyn «Halyqtyq qurylys» baǵdarlamasy eldiń áleýmettik-ekonomikalyq damýyna serpin beretinin aitty, dep habarlaidy ult.kz.
Memleket basshysynyń sózinshe, baǵdarlama aiasynda elimizdiń barlyq óńirinde mektepter, aýrýhanalar, emhanalar, ońaltý ortalyqtary, mádeniet jáne sport nysandary salynady. Sondai-aq turǵyndardyń turmys sapasyn jaqsartýǵa qajetti infraqurylym jańartylady.
«Shyn máninde, biz buryn-sońdy bolmaǵan «Halyqtyq qurylys» baǵdarlamasyn iske asyrýǵa kirisip jatyrmyz. Bul bastama elimizdiń keskin-kelbetin túbegeili ózgertip, azamattardyń turmys sapasyn aitarlyqtai arttyra túsedi», - dedi Prezident.
Memleket basshysynyń aitýynsha, aýqymdy qurylys qalalar men aýdandardyń barlyǵynda júrgizilip, azamattyq infraqurylymdy túgel jańǵyrtady.
«Qazirgi bulyńǵyr, boljamsyz dáýirge degen bizdiń jalpyulttyq jaýabymyz: bul – “Qurylys jáne taǵy da qurylys!”», – dedi Prezident.
Toqaev jańa sport nysandary men inkliýzivti ortalyqtardyń salynatynyn da atap ótti. Onyń aitýynsha, Qazaqstannyń ár balasy sportpen ainalysýǵa múmkindik alýy kerek. Óitkeni shalǵai aýyldarda da bolashaq chempiondar ósip keledi. Sondyqtan olardyń barlyǵyna birdei jaǵdai jasalýǵa tiis.
