Пәкістанның батысында жанармай тасымалдаушы көлік апатқа ұшырап, салдарынан 15-тен аса адам қаза тапты, деп хабарлайды "Ұлт ақпарат" tribune.com-ға сілтеме жасап.
Пәкістанның батысындағы Белуджистан провинциясында жолаушылар автобусы мен жанармай тасымалдайтын көлік соқтығысып, салдарынан 15-тен аса адам көз жұмған. Бұл туралы жұма күні The Express Tribune газетінің электронды нұсқасында хабарланды.
Жергілікті биліктің мәліметі бойынша оқиға Килла-Сайфулла аймағына жақын жерде болған. Екі көліктің соқтығысуы кезінде жанармай тасымалдайтын көліктегі бензин өртенген. Екеуі де отқа оранған күйі жыраға түсіп кеткен.
