Оқу-ағарту министрлігі мектептерде оқушылардың смартфон пайдалану қағидаларын бекітті. Бұйрық 9 қазаннан бастап күшіне енеді, деп хабарлайды ult.kz.
Енді білім алушыларға сабақ кезінде ұялы телефонды қолдануға келесі жағдайларда ғана рұқсат етіледі:
- Мұғалімнің нұсқауы бойынша оқу мақсатында, яғни тапсырманы орындау үшін қажет болса;
- Оқушының өмірі мен денсаулығына қатер төнген жағдайда;
- Денсаулық жағдайы бойынша ұялы байланыстың пайдалану қажеттілігі туындаса.
Яғни, қалған жағдайларда ұялы телефонды қолдана алмайды. Оқушы сабақ барысында телефонын өшіруі немесе дыбыссыз режимге қоюы тиіс.
