Әлеуметтік желілерде жеке сәйкестендіру нөмірін (ЖСН) өзгертуге болады деген ақпарат тарады. Ішкі істер министрлігі бұл мәліметке қатысты түсініктеме берді, деп хабарлайды ult.kz.
Азаматтар заңнама талаптарына сәйкес уәкілетті органдарға жүгініп, аты-жөнін және басқа да дербес деректерін өзгерте алады.
Алайда ІІМ мәліметінше, ЖСН азаматқа бір рет беріледі және кейін өзгертілмейді.
Яғни адамның аты-жөні немесе басқа дербес деректері өзгерген жағдайда да оның ЖСН-і өзгеріссіз қалады.
