Астанада азаматтарды автонесие рәсімдеуге алдап көндірген ұйымдасқан қылмыстық топқа сот үкімі шықты, деп хабарлайды ult.kz.
Тергеу мәліметінше, 10-нан астам адамнан тұрған топ азаматтарға 1-2 миллион теңге сыйақы беріп, несие төлемдерін өздері өтейтінін айтып сендірген. Алайда рәсімделген 165 автокөлік кейін заңсыз сатылып, олардың бір бөлігі шетелге шығарылған.
Қылмыстық әрекеттерден 100-ден астам адам жәбірленуші деп танылды.
Сот айыпталушыларды ұйымдасқан қылмыстық топ құру, қаржы пирамидасын ұйымдастыру және алаяқтық жасау баптары бойынша кінәлі деп танып, 5 жылдан 8 жылға дейін бас бостандығынан айырды. Жәбірленушілердің азаматтық талап-арыздары қанағаттандырылды.
Үкім әзірге заңды күшіне енген жоқ.
