Алматы маңында жер сілкінді, деп хабарлайды ult.kz.
2026 жылғы 29 шілдеде Астана уақыты бойынша сағат 11:09-да ҚР ТЖМ «Сейсмологиялық зерттеу және ақпарат ұлттық ғылыми орталығы» ЖШС-нің сейсмикалық станциялар желісі жер сілкінісін тіркеді.
Жер сілкінісінің ошағы Қытай аумағында, Алматы қаласынан оңтүстік-шығысқа қарай 257 шақырым жерде орналасқан. Эпицентрдің координаттары: солтүстік ендіктің 41.357° және шығыс бойлықтың 78.778°.
Алматы қаласында 2 балл болып сезілген.
Еуропа–Жерорта теңізі сейсмологиялық орталығының (EMSC) мәліметінше, жер сілкінісінің ошағы Қытай аумағында, Қырғызстандағы Қаракөл қаласынан 122 шақырым жерде орналасқан.
Зардап шеккендер мен қираулар туралы мәлімет түскен жоқ.
