Алматы облысында синтетикалық есірткі өндіретін жасырын зертхананың қызметі тоқтатылды, деп хабарлайды ult.kz.
Ұлттық қауіпсіздік комитетінің мәліметінше, психотроптық заттарды дайындап жатқан жерінде Қазақстан азаматы ұсталған.
Тінту барысында 3 келі психотроптық «а-PVP» заты, кристалдану кезеңіндегі 15 келі өнім, 700 литр прекурсор және арнайы зертханалық жабдық тәркіленді.
Аталған дерек бойынша Қылмыстық кодекстің 297-1-бабының 3-бөлігімен сотқа дейінгі тергеу жүргізіліп жатыр.
Сот санкциясымен күдіктіге қатысты қамауда ұстау түріндегі бұлтартпау шарасы қолданылды.
Қылмыстық-процестік кодекстің 201-бабының талаптарына сәйкес өзге ақпарат жарияланбайды.
