FlyArystan әуе компаниясы жазғы маусымда Қырғызстанның Ыстықкөл өңіріне тікелей рейстерді іске қосты, деп хабарлайды ult.kz.
Авиакомпанияның мәліметінше, Алматыдан қатынайтын рейстер жаздың соңына дейін жалғасады. Ұшақтар аптасына екі рет – бейсенбі және жексенбі күндері ұшады. Ұшу уақыты бір сағаттан аз, ал бір бағыттағы билет бағасы 34 мың теңгеден басталады. Алматыдан рейс сағат 16:15-те ұшады.
Сұраныстың жоғары болуына байланысты FlyArystan алғаш рет Астанадан да Ыстықкөлге тікелей рейстерді іске қосады. Олар 3 шілдеден 31 тамызға дейін орындалады.
Елордадан рейстер аптасына екі рет – дүйсенбі және жұма күндері жүзеге асырылады. Осылайша, қазақстандықтар жазғы демалыс кезінде Ыстықкөлге тікелей әуе қатынасы арқылы тез әрі ыңғайлы жете алады.
