Танымал әнші Төреғали Төреәлінің қарындасы ата-анасының бір-біріне деген сүйіспеншілігін көрсетіп, әлеуметтік желіде жүрекжарды жазба жариялады, деп хабарлайды ult.kz.
Өнерлі әулеттің өкілі Instagram парақшасында отбасылық басқосудан түсірілген бейнежазбамен бөлісті. Кадрлардан дастарқан басында отырған ата-анасының бір-біріне ерекше ықылас танытып, қолдарымен жүрек белгісін жасағанын көруге болады.
Әншінің қарындасы бұл сәттің өзі үшін қаншалықты қымбат екенін айтып, әке-шешесінің арасындағы сыйластықты үлгі етті.
«Өмір жастарыңыз ұзақ, дендеріңіз сау болсын, байлықтарым! Әкем – нағыз ер, анам – нағыз әйел. Екеуінің бойынан ер мен әйелге тән қасиеттің бәрін көремін. Ер де, әйел де өз міндеттерін ғана, өз рөлдерінде орындап жүргенде осындай берекелі, биік, мықты шаңырақ құрылады», – деп жазды ол.
Сондай-ақ ол ата-анасына ұзақ ғұмыр, мықты денсаулық тілеп, отбасындағы татулық пен берекенің арта беруін тіледі.
«Аллам тіл-көзден сақтап, берекесін, ризық-несібесін арттырсын! Бәрімізге осындай махаббат бұйырсын!» – деп ақ тілегін жеткізді.
Жарияланған бейнежазбада Төреғали Төреәлінің әкесі күлімдеп, жарына деген ыстық ықыласын білдіріп отырғанын байқауға болады. Бұл көрініс отбасындағы жылулық пен ерлі-зайыптылар арасындағы сыйластықты аңғартады.
Желі қолданушылары да жазбаға жылы лебіздерін білдіріп, отбасына амандық пен береке тіледі.
Айта кетейік, бұған дейін танымал әнші Төреғали Төреәлі 34 жасын жақындарының ортасында ерекше атап өткен еді. Мерекелік кеште әр қонақ әншінің репертуарындағы бір әнді орындаған. Ал өнер иесінің қайын жұрты оған iPhone 18 Pro Max смартфонын сыйға тартқан.
Төреғали Төреәлі кім?
Төреғали Төреәлі – қазақстандық эстрада әншісі, ән авторы және актер. Ол 1992 жылы 14 қазанда дүниеге келген. Өнер иесі көпшілікке лирикалық әндерімен және өзіндік орындау мәнерімен танылды. Әншінің әкесі Төреәлі Әлиханов та өнер саласына жақын, ақындық қабілетімен танылған азамат. Төреғали жастайынан музыкаға қызығып, сахнаға ерте қадам басқан. Оның шығармашылығында махаббат, отбасы, ата-анаға құрмет және адамгершілік тақырыптары кеңінен көрініс тапқан. "Алло", "Бол жанымда", "Ерке қыз" секілді әндері тыңдарман арасында танымал болды.
Ол әншілікпен қатар кино саласында да бақ сынап, актер ретінде көрерменге танылды. Атап айтқанда, «Ұлы дала комедиясы» фильмінде басты рөлдердің бірін сомдады. Ол көрерменге «Ұлы дала баласы» деген атпен де белгілі.
2015 жылы Ерке Есмаханмен бірге орындаған «Алло» әні оның танымалдылығын арттырды. 2016 жылы «Біртүрлі қыз» әнімен «Жыл таңдауы» ұлттық музыкалық сыйлығына ие болды.
2017 жылы Алматыдағы Республика сарайында жанды дауыста жеке концертін өткізді.
2026 жылғы 14 қазанда әнші 34 жасқа
