Tanymal ánshi Tóreǵali Tóreáliniń qaryndasy ata-anasynyń bir-birine degen súiispenshiligin kórsetip, áleýmettik jelide júrekjardy jazba jariialady, dep habarlaidy ult.kz.
Ónerli áýlettiń ókili Instagram paraqshasynda otbasylyq basqosýdan túsirilgen beinejazbamen bólisti. Kadrlardan dastarqan basynda otyrǵan ata-anasynyń bir-birine erekshe yqylas tanytyp, qoldarymen júrek belgisin jasaǵanyn kórýge bolady.
Ánshiniń qaryndasy bul sáttiń ózi úshin qanshalyqty qymbat ekenin aityp, áke-sheshesiniń arasyndaǵy syilastyqty úlgi etti.
«Ómir jastaryńyz uzaq, denderińiz saý bolsyn, bailyqtarym! Ákem – naǵyz er, anam – naǵyz áiel. Ekeýiniń boiynan er men áielge tán qasiettiń bárin kóremin. Er de, áiel de óz mindetterin ǵana, óz rólderinde oryndap júrgende osyndai berekeli, biik, myqty shańyraq qurylady», – dep jazdy ol.
Sondai-aq ol ata-anasyna uzaq ǵumyr, myqty densaýlyq tilep, otbasyndaǵy tatýlyq pen berekeniń arta berýin tiledi.
«Allam til-kózden saqtap, berekesin, rizyq-nesibesin arttyrsyn! Bárimizge osyndai mahabbat buiyrsyn!» – dep aq tilegin jetkizdi.
Jariialanǵan beinejazbada Tóreǵali Tóreáliniń ákesi kúlimdep, jaryna degen ystyq yqylasyn bildirip otyrǵanyn baiqaýǵa bolady. Bul kórinis otbasyndaǵy jylýlyq pen erli-zaiyptylar arasyndaǵy syilastyqty ańǵartady.
Jeli qoldanýshylary da jazbaǵa jyly lebizderin bildirip, otbasyna amandyq pen bereke tiledi.
Aita keteiik, buǵan deiin tanymal ánshi Tóreǵali Tóreáli 34 jasyn jaqyndarynyń ortasynda erekshe atap ótken edi. Merekelik keshte ár qonaq ánshiniń repertýaryndaǵy bir ándi oryndaǵan. Al óner iesiniń qaiyn jurty oǵan iPhone 18 Pro Max smartfonyn syiǵa tartqan.
Tóreǵali Tóreáli kim?
Tóreǵali Tóreáli – qazaqstandyq estrada ánshisi, án avtory jáne akter. Ol 1992 jyly 14 qazanda dúniege kelgen. Óner iesi kópshilikke lirikalyq ánderimen jáne ózindik oryndaý mánerimen tanyldy. Ánshiniń ákesi Tóreáli Álihanov ta óner salasyna jaqyn, aqyndyq qabiletimen tanylǵan azamat. Tóreǵali jastaiynan mýzykaǵa qyzyǵyp, sahnaǵa erte qadam basqan. Onyń shyǵarmashylyǵynda mahabbat, otbasy, ata-anaǵa qurmet jáne adamgershilik taqyryptary keńinen kórinis tapqan. "Allo", "Bol janymda", "Erke qyz" sekildi ánderi tyńdarman arasynda tanymal boldy.
Ol ánshilikpen qatar kino salasynda da baq synap, akter retinde kórermenge tanyldy. Atap aitqanda, «Uly dala komediiasy» filminde basty rólderdiń birin somdady. Ol kórermenge «Uly dala balasy» degen atpen de belgili.
2015 jyly Erke Esmahanmen birge oryndaǵan «Allo» áni onyń tanymaldylyǵyn arttyrdy. 2016 jyly «Birtúrli qyz» ánimen «Jyl tańdaýy» ulttyq mýzykalyq syilyǵyna ie boldy.
2017 jyly Almatydaǵy Respýblika saraiynda jandy daýysta jeke kontsertin ótkizdi.
2026 jylǵy 14 qazanda ánshi 34 jasqa
