Ұлттық қауіпсіздік комитетінің Шекара қызметі 510 млн теңгеден асатын темекі мен вейп контрабандасының жолын кесті, деп хабарлайды ult.kz.
ҰҚК мәліметінше, қараша айында Ақтөбе облысындағы «Әлімбет» өткізу пунктінде 593 мың қорап темекіні заңсыз алып өтпек болғандар анықталған.
Бұдан бөлек, Жамбыл облысындағы шекара учаскесінен 13 960 дана вейп табылды. Тәркіленген өнімдердің жалпы құны 510 млн теңгеден асады.
Қазір материалдар тиісті процестік шешім қабылдау үшін құзырлы органдарға жолданды.