Коронавирус инфекциясын жұқтырған қарағандылықтар - 1971 және 1972 жылғы Қазақстан азаматтары, деп хабарлайды "Ұлт ақпарат".
«Елімізде коронавирус індетін жұқтырған тағы бес адам анықталды. Оның екеуі Қарағанды қаласында, 1971 және 1972 жылы туған Қазақстан азаматтары. Екеуі де №0324 Минск-Қарағанды рейсімен ұшып келген болатын. Сол сияқты, Алматы қаласы бойынша үш адам тіркеліп отыр. Ол - 1979 жылғы әйел адам. Бізге Берлин қаласынан ұшып келді. Екінші азамат - 1997 жылғы ер адам, Франциядан ұшып келді. Соңғысы 1982 жылғы әйел адам. Барлығының денсаулықтары жақсы» , - деп хабарлады Денсаулық сақтау министрлігінің ресми өкілі Диас Ахметшәріп.
Оның айтуынша, Қазақстанда қауіпті індетті жұқтырғандар саны 49 болды. Оның ішінде Алматыда - 22, Нұр-Сұлтанда - 25 және Қарағандыда - 2 жағдай тіркелген.
Еске сала кетсек, бұған дейін Қарағандыда 2 адам коронавирус жұқтырғанын хабарлаған едік.
1054 рет оқылды
