ҚР Білім және ғылым вице-министрі Эльмира Суханбердиева 2 айға қамауға алынды. Бұл ақпаратты Нұр-Сұлтан қалалық сотының баспасөз қызметі растады, деп хабарлайды "Ұлт ақпарат".
«Нұр-Сұлтан қаласының мамандандырылған ауданаралық тергеу соты күдікті Суханбердиева Эльмира Амангелдіқызына қатысты 2 ай мерзімге, яғни осы жылғы 2 тамызға дейін қамауда ұстау түріндегі бұлтартпау шарасын санкциялады», - деді қалалық соттың баспасөз қызметі.
Сыбайлас жемқорлыққа қарсы іс-қимыл ұлттық бюросы Білім және ғылым вице-министріне қатысты сотқа дейінгі тергеу амалдарын басталғандығы туралы бұған дейін хабарлаған болатынбыз.
1880 рет оқылды
