Алматыда атыс болып, бес адам қаза тапты, - деп хабарлайды Алматы қаласы Полиция департаментінің баспасөз қызметі.
Полиция мәліметінше, бүгін сағат 17.00-де "Ақбұлақ" шағынауданында Алматының Алатау ауданында атыс болған.
Үйден шығару туралы сот қаулысын орындау кезінде осы үйдің тұрғыны - 1967 жылы туған ер адам озбырлық көрсетіп, сот орындаушысына, учаскелік полиция инспекторларына және аулада болған басқа адамдарға қарудан оқ жаудырған.
Бес адам, оның ішінде қызметтік міндеттерін атқарып жүрген екі полиция қызметкері оқтан жарақат алып, қайтыс болды. Күдікті ұсталды. Бүгінде жағдай бақылауда. Қылмыстық іс қозғалды. Тергеу шаралары жүргізіліп жатыр.
Қаза тапқан полиция қызметкерлері бойынша деректер:
Алатау аудандық ПБ ЖПҚБ учаскелік инспекторы, полиция майоры Дархан Дауылбайұлы Сүлеев, 1982 жылы туған.
Алатау аудандық ПБ ЖПҚБ учаскелік инспекторы, полиция капитаны Нұрбол Назарбайұлы Байғазиев, 1988 жылы туған.
