Almatyda atys bolyp, bes adam qaza tapty, - dep habarlaidy Almaty qalasy Politsiia departamentiniń baspasóz qyzmeti.
Politsiia málimetinshe, búgin saǵat 17.00-de "Aqbulaq" shaǵynaýdanynda Almatynyń Alataý aýdanynda atys bolǵan.
Úiden shyǵarý týraly sot qaýlysyn oryndaý kezinde osy úidiń turǵyny - 1967 jyly týǵan er adam ozbyrlyq kórsetip, sot oryndaýshysyna, ýchaskelik politsiia inspektorlaryna jáne aýlada bolǵan basqa adamdarǵa qarýdan oq jaýdyrǵan.
Bes adam, onyń ishinde qyzmettik mindetterin atqaryp júrgen eki politsiia qyzmetkeri oqtan jaraqat alyp, qaitys boldy. Kúdikti ustaldy. Búginde jaǵdai baqylaýda. Qylmystyq is qozǵaldy. Tergeý sharalary júrgizilip jatyr.
Qaza tapqan politsiia qyzmetkerleri boiynsha derekter:
Alataý aýdandyq PB JPQB ýchaskelik inspektory, politsiia maiory Darhan Daýylbaiuly Súleev, 1982 jyly týǵan.
Alataý aýdandyq PB JPQB ýchaskelik inspektory, politsiia kapitany Nurbol Nazarbaiuly Baiǵaziev, 1988 jyly týǵan.
