«Jigitter» tobynyń solisi, ánshi Aidar Turǵanbek áleýmettik jelide jariialaǵan videosynda jeke ómirine qatysty qyzyqty oqiǵamen bólisti, dep habarlaidy Ult.kz, Sn.kz-ke silteme jasap.
Óner iesi alǵashynda anasynyń únemi úilenýge úndegenin aityp, bolashaq jaryn izdeý ońai bolmaǵanyn jetkizdi.
«Meniń úilenýim bir qyzyq boldy. Meniń anam “úilen, úilen” dep kúnde aitatyn. Úilenetin kezde qyz joq bolyp qalady. Sonymen anam ekeýmiz birge izdedik. Almatydaǵy búkil oqý ornyna baryp, qyz taba almadyq», - deidi ánshi.
Aitýynsha, bir kúni anasyn kólikpen alyp kele jatqanda aialdamada turǵan eki qyzdy baiqap qalǵan.
«Kólikpen anamdy salyp alyp kele jatqan kezde aialdamada áp-ádemi eki qyz tur eken. Anam “Unady ma?” dep surady. “Unady” dedim. “Onda toqta” dep túsip qalyp, qyzdarmen birge anam avtobýsqa mindi. Qyzdardyń telefon nómirlerin jazyp alyp, ákelip berdi. Men habarlasqan kezde sózimiz jaraspady. Solai ol qyzdar bolmai qaldy», - dep eske aldy ol.
Keiin ánshiniń týǵan qaryndasy bolashaq jarynyń sýretin kórsetken.
«Keiin ózimniń týǵan qaryndasym jubaiymnyń sýretin jiberdi. Maǵan unap qaldy. Solai Astanaǵa bardym. Ol Astanada oqityn Shymkenttiń qyzy. Solai ekeýmizdiń sózimiz jarasyp, keremet sóilestik. Úsh-aq ret kezdestik. Ol Shymkentke demalysqa kelgen kezde men kelisimmen alyp qashyp kettim», - dedi Aidar Turǵanbek.
Jeli qoldanýshylary ánshiniń oqiǵasyna jyly pikir bildirip, otbasyna baqyt tilep jatyr.
