Keshegi kontserttegi oqiǵadan keiin Koreia men Gonkongtaǵy kontsertterdegi crowd management júiesi esime tústi. Aziianyń kóptegen elderinde úlken is-sharalarda adamdardy qaqpanyń aldyna erkin jinamaidy. Arnaiy barer arqyly bir adam ǵana syiatyn uzyn kezek jolaqtary queue lanes jasalady. Adamdar arnaiy kútý aimaǵyna tártippen jinalyp, keiin ishke kezeń-kezeńimen ótkiziledi. Bul jerdegi maqsat kezekti ádemi uiymdastyrý ǵana emes adamdardyń taptalý qaýpin azaitý.
2022 jyly Helloýin kezinde Seýldiń Itaewon aýdanynda 159 adam taptalyp, qaitys bolǵan edi. Osy jaǵdai adamdar bir-birin ádeii itermese de, olardyń bir jerge óte tyǵyz ornalasýy qanshalyqty qaýipti ekenin búkil álemge kórsetti. sebebi mundaida adamnyń óz qozǵalysyn baqylaýy qiyndaidy. Qysym bir adamnan ekinshisine beriledi.
Sondyqtan Koreiada keiin iri is-sharalarda adam kóp shoǵyrlanatyn jerlerde qaýipsizdik talaptaryna erekshe mán berile bastady.
Mysaly, BTS-tiń Seýldegi úlken kontsertterinde júzdegen myń adam jinalýy múmkin bolǵandyqtan, real-time crowd monitoring júiesi iske qosyldy. Kontsert bastalmas buryn barlyq telearnalardan qala turǵyndaryna qaýipsizdik sharttary eskertildi. Birneshe baqylaý aimaǵy, politsiia, meditsinalyq pýnktter jáne adamdar aǵynyn bólý júieleri jumys istedi.
Al Gonkongtaǵy iri kontsert alańdarynda, mysaly AsiaWorld-Expo sharasyn turyp kóretin kórermender arnaiy kútý aimaǵynada kezek nómiri boiynsha ornalastyrylyp, keiin sol rettik sanymen ishke kirgizildi.
Bizdiń de osy tájiribelerden úirenerimiz kóp. Óitkeni úlken kontserttiń qaýipsizdigi tek sahnadaǵy kúzetten nemese politsiia sanynan turmaidy. Eń mańyzdysy adam aǵynyn aldyn ala durys jobalaý. Qaqpa ashylǵan soń myńdaǵan adam bir ýaqytta alǵa umtylýy úlken qaýip.
Abzalynda
Sondyqtan uiymdastyrýshylar kontsert bastalmai turyp emes, adamdar jinala bastaǵan sátten bastap qaýipsizdikti qamtamasyz etýi tiis. Kireberistegi qaýipsizdik menedjmentiniń jospary bolýy tiis. Kórermenderdi bir adam siiaqtyn ǵana jolaqtarmen ótkizý barerleri, birneshe kirý núktesi, dál osy shara boiynsha arnaiy daiyndyqtan ótken qyzmetkerler, kirýshilerdi baqylaýdan ótkizý bár-bári qarastyrylýy mindetti.
Al kórermender bir-birin itermei, asyqpai jyljý shart. Kontsertke birinshi bolyp kirý mańyzdy emes — eń bastysy, kontsertten aman-esen shyǵý.
