Kúz túsip, kún qysqara bastady. Qarańǵy erte túsetin qys ta alys emes. Osy oraida kóp aityla bermeitin, biraq ár ata-ana úshin mańyzdy oqýshylardyń kóshedegi qaýipsizdigi ózekti.
Damyǵan Finliandiia, Shvetsiia, Japoniia elderiniń oqýshylardyń qysqy qaýipsizdigine erekshe mán beretinderi unaidy. Máselen Finliandiiada balalarǵa qarańǵy ýaqytta joldan ótý, taiǵaq jolda júrý jaǵdailaryn úiretedi. Skandinaviialyq qys uzaqqa sozylyp, qarańǵydan joldaǵy kórinis nasharlaý sebebinen Finliandiia, Shvetsiiada oqýshylardyń kiimderinde jaryq shaǵylysatyn elementter reflektorlerdiń bolýy talap etedi. Japoniiada balalarǵa joldy baqylaý, qaýipti jaǵdailardy aldyn ala boljaý bastaýysh synyptan oqytylady.
Bizge de qarańǵy ýaqyttaǵy, kúz, qys maýsymyndaǵy kóshelerde júrý qaýipsizdigin úiretken jón:
Kúzde jańbyr kezinde taiǵaq joldarmen júrmeý, tumandy kúnderi asa saq bolý;
Qarańǵyda qysqa jol izdep, adam az, belgisiz joldarmen júrmeý, qaýip tóngen jaǵdaida 112 nómirine habarlasý jáne ata-anasynyń nómirin jatqa bilý;
Qys kezinde sý qatqan jerlerdi ainalyp ótý, ǵimarattyń shatyrlarynan qulaýy múmkin muzdardan saqtaný, qar úiindileriniń arasymen júrmeý jáne t.b. Odan bólek oqýshylardyń kiimine japsyryp qoiatyn jaryq elementteri bizdiń naryqta da bar. Satyp alyp, ár balaǵa taǵyp qoiǵan abzal. Ata-ana kún saiyn balanyń mektep, úiirmege qatynar jolyn úiden shyqpas buryn anyqtap, balaǵa eskertip, kelisý shart.
Abzalynda
Balanyń qaýipsizdigi — tek balanyń emes, ata-ana men mekteptiń ortaq mindeti. Ata-ana balasyna qaýipsizdik erejesin úiretse, mektep ony kúndelikti tárbie arqyly bekitip otyrsa igi. Jolda júrý, qarańǵyda kóriný, qysqy taiǵaqtan saqtaný balanyń ómirlik daǵdysyna ainalýy tiis. Balaǵa jai ǵana kúnde “abai bol» dep eskertý jetkiliksiz. Oǵan qaýipsiz orta, durys tárbie jáne turaqty daǵdy qalyptastyrý ǵana naqty nátije bermek.
