«جٸگٸتتەر» توبىنىڭ سوليسٸ, ەنشٸ ايدار تۇرعانبەك ەلەۋمەتتٸك جەلٸدە جارييالاعان ۆيدەوسىندا جەكە ٶمٸرٸنە قاتىستى قىزىقتى وقيعامەن بٶلٸستٸ, دەپ حابارلايدى Ult.kz, Sn.kz-كە سٸلتەمە جاساپ.
ٶنەر يەسٸ العاشىندا اناسىنىڭ ٷنەمٸ ٷيلەنۋگە ٷندەگەنٸن ايتىپ, بولاشاق جارىن ٸزدەۋ وڭاي بولماعانىن جەتكٸزدٸ.
«مەنٸڭ ٷيلەنۋٸم بٸر قىزىق بولدى. مەنٸڭ انام “ٷيلەن, ٷيلەن” دەپ كٷندە ايتاتىن. ٷيلەنەتٸن كەزدە قىز جوق بولىپ قالادى. سونىمەن انام ەكەۋمٸز بٸرگە ٸزدەدٸك. الماتىداعى بٷكٸل وقۋ ورنىنا بارىپ, قىز تابا المادىق», - دەيدٸ ەنشٸ.
ايتۋىنشا, بٸر كٷنٸ اناسىن كٶلٸكپەن الىپ كەلە جاتقاندا ايالدامادا تۇرعان ەكٸ قىزدى بايقاپ قالعان.
«كٶلٸكپەن انامدى سالىپ الىپ كەلە جاتقان كەزدە ايالدامادا ەپ-ەدەمٸ ەكٸ قىز تۇر ەكەن. انام “ۇنادى ما?” دەپ سۇرادى. “ۇنادى” دەدٸم. “وندا توقتا” دەپ تٷسٸپ قالىپ, قىزدارمەن بٸرگە انام اۆتوبۋسقا مٸندٸ. قىزداردىڭ تەلەفون نٶمٸرلەرٸن جازىپ الىپ, ەكەلٸپ بەردٸ. مەن حابارلاسقان كەزدە سٶزٸمٸز جاراسپادى. سولاي ول قىزدار بولماي قالدى», - دەپ ەسكە الدى ول.
كەيٸن ەنشٸنٸڭ تۋعان قارىنداسى بولاشاق جارىنىڭ سۋرەتٸن كٶرسەتكەن.
«كەيٸن ٶزٸمنٸڭ تۋعان قارىنداسىم جۇبايىمنىڭ سۋرەتٸن جٸبەردٸ. ماعان ۇناپ قالدى. سولاي استاناعا باردىم. ول استانادا وقيتىن شىمكەنتتٸڭ قىزى. سولاي ەكەۋمٸزدٸڭ سٶزٸمٸز جاراسىپ, كەرەمەت سٶيلەستٸك. ٷش-اق رەت كەزدەستٸك. ول شىمكەنتكە دەمالىسقا كەلگەن كەزدە مەن كەلٸسٸممەن الىپ قاشىپ كەتتٸم», - دەدٸ ايدار تۇرعانبەك.
جەلٸ قولدانۋشىلارى ەنشٸنٸڭ وقيعاسىنا جىلى پٸكٸر بٸلدٸرٸپ, وتباسىنا باقىت تٸلەپ جاتىر.
