Dron shabýyldarynan keiinWildberries Qazaqstannan jańa qoimalar izdep jatyr. Málimetterge sáikes, kompaniia shamamen 100 myń sharshy metr qoima aýmaǵyn jalǵa alýdy qarastyryp jatyr, dep habarlaidy ult.kz.
Jyljymaityn múlik naryǵyndaǵy derekkózderdiń aitýynsha, zamanaýi qoimalar tapshy bolǵandyqtan, Wildberries bos turǵan qoimalardyń basym bóligin jalǵa alýy múmkin.
Kompaniia ókilderi óz kezeginde qyzmet kórsetetin elderdegi logistikalyq infraqurylymdy damytýdy jalǵastyryp jatqanyn málimdedi. Qazir Almatyda aýdany 100 myń sharshy metrden asatyn qoima salynyp jatyr. Sonymen qatar Astanada kólemi 160 myń sharshy metr bolatyn taǵy bir logistikalyq ortalyqtyń qurylysy júrgizilýde. Ony kelesi jyly paidalanýǵa berý josparlanǵan.
Reseidegi qoimalarǵa jasalǵan dron shabýyldarynan keiin Wildberries táýekelderdi azaityp, satýshylardyń jumysynyń turaqtylyǵyn qamtamasyz etý úshin taýarlardy ártúrli logistikalyq ortalyqtar arasynda qaita bólýde.
Eske salaiyq, buǵan deiin Reseidegi qoimalardyń búlinýinen qazaqstandyq kásipkerler de zardap shekken bolatyn. Aldyn ala esep boiynsha olardyń shyǵyny 1 milliard teńgeden asty.
