Qazaqstanǵa Túrkiiadan birneshe alaiaqtyq faktisi boiynsha halyqaralyq izdeýde júrgen er adam ekstraditsiialandy, dep habarlaidy ult.kz.
Kúdikti Qazaqstan Respýblikasy IIM Interpol Ulttyq ortalyq biýrosynyń suraýy boiynsha Túrkiianyń Samsýn qalasynda ustalǵan. Ony elge qaitarý jumystaryna Qazaqstannyń Túrkiiadaǵy ókildigi men elshilik qyzmetkerleri qatysqan.
Tergeý málimetinshe, er adam 2024 jyldyń qyrkúiek-jeltoqsan ailary aralyǵynda aqparattyq júieler men Instagram áleýmettik jelisindegi paraqshany paidalanyp, Atyraý qalasynyń eki turǵynyn aldap, 3 million teńgeden astam qarajatty iemdengen.
Qazirgi ýaqytta kúdikti Almaty qalasy Politsiia departamentiniń ýaqytsha ustaý izoliatoryna qamaldy.
Ishki ister ministrligi shetelde boi tasalap júrgen jáne qylmystyq jaýapkershilikten jaltaryp júrgen azamattardy anyqtaý men ustaý jumystary jalǵasatynyn málimdedi.
