Keshe, 8 shilde kúni Sultan Sársemáliev isi boiynsha kezekti sot otyrysy ótýi tiis edi. Alaida tehnikalyq sebepterge bailanysty sot protsesi ýaqytynda bastalmady, dep habarlaidy ult.kz.
Sotqa qatysýshylardyń málimetinshe, bir otbasynyń tórt múshesin óltirdi dep aiyptalǵan Sultan Sársemálievke qatysty sot otyrysy tehnikalyq aqaýlarǵa bailanysty keshigip jatyr.
Bul is 2025 jyldyń sońynda Atyraý oblysynda bolǵan qaiǵyly oqiǵadan keiin qoǵamda úlken rezonans týdyrǵan edi. Tergeý nusqasyna sáikes, aiyptalýshy burynǵy jubaiynyń týystary – qaiyn atasy, qaiyn enesi, áieliniń aǵasy men ápkesin óltirdi degen kúdikke ilingen. Budan bólek, oǵan jábirlenýshilerdiń biriniń atyna zańsyz nesie rásimdedi jáne ózge de qylmystyq quqyqbuzýshylyqtar jasady degen aiyptar taǵylǵan.
Prokýratýranyń dereginshe, qylmysqa burynǵy erli-zaiyptylar arasyndaǵy balalardyń turǵylyqty jeri, olardy tárbieleý máselesi jáne uzaqqa sozylǵan otbasylyq janjal sebep bolǵan.
Is materialdarynda Sársemáliev pen burynǵy jubaiynyń 2016 jyly nekege turǵany, olardyń bes balasy bar ekeni kórsetilgen. Keiin erli-zaiyptylar ajyrasyp, balalar anasymen qalǵan.
Is 2026 jyldyń mamyr aiynan beri sotta qaralyp keledi. Osy ýaqytqa deiin ótken otyrystarda prokýror aiyptaý aktisin jariialap, aiyptalýshy óz ustanymyn bildirgen. Keiingi tyńdaýlarda aiyptaý mazmuny naqtylanyp, taraptardyń burynǵy otbasylyq qarym-qatynasyna qatysty mán-jailar da zertteldi. jariia etildi.
