Búgin, 7 shilde kúni Sultan Sársemálievtiń soty jalǵasýy kerek edi. Biraq tehnikalyq sebepterge bailanysty sot keshigip jatyr, dep habarlaidy ult.kz.
«Bir otbasynyń tórt adamyn óltirdi dep kúdikke ilingen Sultan Sórsemalievke qatysty sot otyrysy tehnikalyq sebepterge bailanysty keshigip jatyr», - dep jazdy sotqa qatysýshylar.
Sultan Sársemáliev – 2025 jyldyń sońynda Atyraý oblysynda bir otbasynyń tórt múshesiniń ólimine qatysty qoǵamda úlken rezonans týdyrǵan is boiynsha aiyptalýshy.
Tergeý nusqasy boiynsha, Sultan Sársemáliev burynǵy jubaiynyń týystary – qaiyn atasy, qaiyn enesi, áieliniń aǵasy jáne ápkesin óltirdi dep aiyptalǵan. Sondai-aq jábirlenýshilerdiń biriniń atyna zańsyz nesie rásimdeý jáne ózge de aiyptar taǵylǵan.
Prokýratýranyń málimetinshe, janjaldyń negizgi sebebi burynǵy erli-zaiyptylar arasyndaǵy balalardy tárbieleý, turǵylyqty jer jáne uzaqqa sozylǵan otbasylyq kelispeýshilikter bolǵan.
Sot materialdarynda Sársemáliev pen burynǵy jubaiy 2016 jyly nekege turǵany, olardyń bes balasy bar ekeni aitylǵan. Keiin erli-zaiyptylar ajyrasyp, balalar anasymen qalǵan. 2026 jyldyń mamyr aiynan bastap is sotta qaralyp jatyr. Sot barysynda prokýror qylmystyń boljamdy mán-jailaryn jariialap, aiyptalýshy óz jaýabyn bergen.
Keiingi sot otyrystarynda aiyptaý aktisi naqtylanyp, burynǵy otbasylyq qatynastar men basqa da mán-jailar jariia etildi.
