Қазақстан Тәуелсіздігіне 25 жыл

«Samuryq-Qazyna» shtattyq rejimde jumys istep jatyr: Bektenov investorlarǵa ún qatty

«Samuryq-Qazyna» shtattyq rejimde jumys istep jatyr: Bektenov investorlarǵa ún qatty
primeminister.kz

Qazaqstan Respýblikasynyń Premer-ministri, «Samuryq-Qazyna» AQ Direktorlar keńesiniń tóraǵasy O. Bektenovtiń málimdeme jasady, dep habarlaidy ult.kz «Samuryq-Qazyna» AQ resmi saityna silteme jasap.

«Samuryq-Qazyna» AQ basshylyǵyna qatysty sońǵy oqiǵalarǵa bailanysty birqatar túsinikteme berýdi qajet dep sanaimyn.

Qazirgi ýaqytta quqyq qorǵaý organdary jekelegen laýazymdy tulǵalarǵa qatysty tergeý áreketterin júrgizýde. Barlyq mán-jailar júrgizilip jatqan tergeý aiasynda anyqtalýda. Jaǵdai Memleket basshysynyń baqylaýynda. Quzyretti organdar zańnama talaptaryn qatań saqtai otyryp, obektivti ári jan-jaqty tergeý júrgizýge tiis.

Qazirgi kezeńde sóz naqty bir jaǵdai týraly bolyp otyr. Bul jaǵdai Qordyń búkil kompaniialar tobynyń qyzmetine kúmán keltirýge negiz bola almaidy.

Jaqyn arada «Samuryq-Qazyna» AQ Basqarmasynyń jańa tóraǵasy taǵaiyndalady. Bul rette basqarý isindegi sabaqtastyq pen Qor qyzmetiniń úzdiksizdigi tolyq qamtamasyz etiledi.

Qor tobyna kiretin barlyq kompaniialar shtattyq rejimde jumysyn jalǵastyrýda. Qordyń damý strategiiasy ózgerissiz qalady. Investitsiialyq jáne infraqurylymdyq jobalardy iske asyrý bekitilgen josparlarǵa sáikes jalǵasady.

Investorlar, kreditorlar, bankter jáne halyqaralyq qarjy institýttary aldyndaǵy barlyq qarjylyq, sharttyq jáne boryshtyq mindettemeler ýaqtyly ári tolyq kólemde oryndalady.

Sonymen qatar oryn alǵan jaǵdai korporativtik basqarýdy odan ári nyǵaitý jáne sybailas jemqorlyq táýekelderiniń aldyn alý boiynsha júieli sharalar qabyldaýdy talap etedi.

Qordyń Direktorlar keńesiniń tóraǵasy retinde Qor men onyń enshiles uiymdarynyń direktorlar keńesteriniń, sondai-aq olardyń janyndaǵy beiindi komitetterdiń, eń aldymen aýdit jáne táýekelderdi basqarý komitetteriniń rólin kúsheitýdi qajet dep sanaimyn.

Ishki baqylaý, komplaens jáne ishki aýdit tetikteri qaita qaralyp, kúsheitiledi. Sybailas jemqorlyq quqyq buzýshylyqtarynyń aldyn alýǵa, múddeler qaqtyǵysyn anyqtaýǵa, qabyldanatyn sheshimderdiń ashyqtyǵyn arttyrýǵa jáne basshylardyń derbes jaýapkershiligin kúsheitýge erekshe nazar aýdarylady.

Bizdiń mindetimiz tek naqty quqyq buzýshylyqtarǵa den qoiýmen shektelmeidi. Eń bastysy, mundai jaǵdailardyń qaitalanýyna jol bermeitin tiimdi júie qalyptastyrý.

Qazaqstan Respýblikasynyń Úkimeti Qordyń strategiialyq baǵytynyń ózgermeitinin, turaqtylyq, ashyqtyq jáne jaýapty áriptestik qaǵidattaryna beiildiligin rastaidy.

Qazaqstan halyqaralyq investitsiialyq jáne qarjy qoǵamdastyǵy úshin senimdi áriptes bolyp qala beredi. Biz investorlarymyz ben kreditorlarymyzdyń senimin joǵary baǵalaimyz jáne uzaq merzimdi, ózara tiimdi yntymaqtastyqty jalǵastyrýǵa niettimiz.