9 maýsymda Shýchinsk qalasynda bolǵan qaiǵyly oqiǵa qoǵamnyń nazaryn aýdardy. Eki balanyń anasy Ásem Shabelskaia aýyr dene jaraqatynan kóz jumdy. Marqumnyń týystary onyń ólimine turmystyq zorlyq-zombylyq sebep bolǵanyn aityp otyr, dep habarlaidy ult.kz.
Orda.kz basylymyna suhbat bergen marqumnyń ápkesi Baqyttyń aitýynsha, Ásem burynnan birge júrgen azamatynan qysym kórgen. Onyń sózinshe, ótken jyly er adam áielge balǵamen shabýyl jasaǵan. Osydan keiin Ásem odan qashyp, bailanys nómirin de ózgertken. Alaida kúdikti ýaqyt óte kele keshirim surap, ózgergenin aityp, qaitadan onyń senimine kirgen.
Týystarynyń málimetinshe, 8 maýsym kúni Ásem balalaryna jaqyn arada úige oralatynyn aityp, álgi azamattyń páterine barǵan. Sol túni ol qatty soqqyǵa jyǵylyp, aýyr jaralanǵan. Ápkesi kúdikti áiel es-tússiz jatqan kezde birden jedel járdem shaqyrmaǵanyn, kerisinshe páterdegi qan izderin jýyp, bolǵan oqiǵany jasyrýǵa tyrysqanyn aitady. Al dárigerler kelgende áieldiń qulap qalǵanyn aityp túsindirmek bolǵan.
Sot-meditsinalyq saraptama qorytyndysy boiynsha, marqumnyń birneshe qabyrǵasy synǵan, al baýyry eki jerden jarylǵan. Alǵan jaraqattarynyń saldarynan Ásem aýrýhanada qaitys boldy. Artynda eki balasy qaldy. Marqumnyń jaqyndary kúdiktiniń jasaǵan isine ókinbeitinin aityp, isti «Adam óltirý» baby boiynsha qaita saralaýdy talap etýde.
Aqmola oblysy Politsiia departamentiniń málimetinshe, atalǵan fakti boiynsha qylmystyq is qozǵalǵan. Tergeýdiń aldyn ala nusqasyna sáikes, janjal kezinde er adam áielge aýyr dene jaraqatyn keltirip, sonyń saldarynan jábirlenýshi kóz jumǵan. Kúdikti ustalyp, ýaqytsha ustaý izoliatoryna qamaldy. Qazir is boiynsha barlyq qajetti tergeý áreketteri júrgizilip jatyr.
