9 ماۋسىمدا ششۋچينسك قالاسىندا بولعان قايعىلى وقيعا قوعامنىڭ نازارىن اۋداردى. ەكٸ بالانىڭ اناسى ەسەم شابەلسكايا اۋىر دەنە جاراقاتىنان كٶز جۇمدى. مارقۇمنىڭ تۋىستارى ونىڭ ٶلٸمٸنە تۇرمىستىق زورلىق-زومبىلىق سەبەپ بولعانىن ايتىپ وتىر, دەپ حابارلايدى ult.kz.
Orda.kz باسىلىمىنا سۇحبات بەرگەن مارقۇمنىڭ ەپكەسٸ باقىتتىڭ ايتۋىنشا, ەسەم بۇرىننان بٸرگە جٷرگەن ازاماتىنان قىسىم كٶرگەن. ونىڭ سٶزٸنشە, ٶتكەن جىلى ەر ادام ەيەلگە بالعامەن شابۋىل جاساعان. وسىدان كەيٸن ەسەم ودان قاشىپ, بايلانىس نٶمٸرٸن دە ٶزگەرتكەن. الايدا كٷدٸكتٸ ۋاقىت ٶتە كەلە كەشٸرٸم سۇراپ, ٶزگەرگەنٸن ايتىپ, قايتادان ونىڭ سەنٸمٸنە كٸرگەن.
تۋىستارىنىڭ مەلٸمەتٸنشە, 8 ماۋسىم كٷنٸ ەسەم بالالارىنا جاقىن ارادا ٷيگە ورالاتىنىن ايتىپ, ەلگٸ ازاماتتىڭ پەتەرٸنە بارعان. سول تٷنٸ ول قاتتى سوققىعا جىعىلىپ, اۋىر جارالانعان. ەپكەسٸ كٷدٸكتٸ ەيەل ەس-تٷسسٸز جاتقان كەزدە بٸردەن جەدەل جەردەم شاقىرماعانىن, كەرٸسٸنشە پەتەردەگٸ قان ٸزدەرٸن جۋىپ, بولعان وقيعانى جاسىرۋعا تىرىسقانىن ايتادى. ال دەرٸگەرلەر كەلگەندە ەيەلدٸڭ قۇلاپ قالعانىن ايتىپ تٷسٸندٸرمەك بولعان.
سوت-مەديتسينالىق ساراپتاما قورىتىندىسى بويىنشا, مارقۇمنىڭ بٸرنەشە قابىرعاسى سىنعان, ال باۋىرى ەكٸ جەردەن جارىلعان. العان جاراقاتتارىنىڭ سالدارىنان ەسەم اۋرۋحانادا قايتىس بولدى. ارتىندا ەكٸ بالاسى قالدى. مارقۇمنىڭ جاقىندارى كٷدٸكتٸنٸڭ جاساعان ٸسٸنە ٶكٸنبەيتٸنٸن ايتىپ, ٸستٸ «ادام ٶلتٸرۋ» بابى بويىنشا قايتا سارالاۋدى تالاپ ەتۋدە.
اقمولا وبلىسى پوليتسييا دەپارتامەنتٸنٸڭ مەلٸمەتٸنشە, اتالعان فاكتٸ بويىنشا قىلمىستىق ٸس قوزعالعان. تەرگەۋدٸڭ الدىن الا نۇسقاسىنا سەيكەس, جانجال كەزٸندە ەر ادام ەيەلگە اۋىر دەنە جاراقاتىن كەلتٸرٸپ, سونىڭ سالدارىنان جەبٸرلەنۋشٸ كٶز جۇمعان. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. قازٸر ٸس بويىنشا بارلىق قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر.
