Serikzat Dúisenǵazy aitysker aqyn Maqsat Ahanov týraly pikir bildirdi, dep habarlaidy ult.kz.
Bul týraly Adyrna ulttyq portaly jazdy. Onyń sózinshe, ol Maqsat Ahanovpen telefon arqyly sóilesken. Áńgime barysynda aityskerdiń óz áreketine ókinip otyrǵanyn ańǵarǵan.
«Qatelikti moiyndai bilý de er azamattyń bir jaqsy qasieti ǵoi. Áitpese, “onda turǵan ne bar?” dep qasarysatyndar da tabylady», – dep jazdy Serikzat Dúisenǵazy.
Aqyn Maqsat Ahanovty aitysqa alǵash shyqqan kezinen biletinin aityp, onyń boiynan aityskerge tán kóptegen qasiettiń tabylatynyn atap ótti.
«Óte daryndy, aitys aqynyna tán sinkretti qasiettiń barlyǵy bir boiynan tabylatyn sirek talant. Talantyn bylai qoiǵanda, azamattyǵy biik ekenine talai ret kýá bolǵanmyn», – dedi ol.
Serikzat Dúisenǵazynyń pikirinshe, bul joly Maqsat Ahanovtyń «seriligine mastyǵy qosylyp», jaǵdai baqylaýdan shyǵyp ketken.
Aqyn oqiǵanyń jeke kásipkerdiń týǵan aýylynda ótken qyzyqtama aitysy kezinde bolǵanyn atap ótti. Onyń aitýynsha, bul Aitys aqyndary odaǵy uiymdastyrǵan resmi aitys emes.
«Jańylmaityn jaq, súrinbeitin tuiaq bolmaidy. Seriniń bir erkeligine keshirimmen qaraiyq, aǵaiyn», – dedi Serikzat Dúisenǵazy.
