Қазақстан Тәуелсіздігіне 25 жыл

Qazaqstannyń birqatar óńirinde tuman, kóktaiǵaq jáne qatty jel kútiledi

Qazaqstannyń birqatar óńirinde tuman, kóktaiǵaq jáne qatty jel kútiledi
Foto: Neirojeli arqyly jasaldy

16 qarashada Qazaqstannyń birqatar óńirinde qolaisyz meteorologiialyq jaǵdailar kútiledi. Kei jerlerde tuman túsip, joldarda kóktaiǵaq bolady. Sonymen qatar birneshe oblysta jeldiń ekpini sekýndyna 25 metrge deiin jetýi múmkin. Bul týraly «Qazgidromet» RMK daýyldy eskertý jariialady, dep habarlaidy ult.kz.

Astana qalasynda túnde joldarda kóktaiǵaq bolyp, túnde jáne tańerteń tuman kútiledi. Almatyda da túngi jáne tańǵy ýaqytta tuman túsýi múmkin.

Aqtóbe oblysynda jaýyn-shashyn, kóbinese jańbyr jaýady. Túnde oblystyń soltústik-batysynda kei ýaqyttarda qatty jaýyn-shashyn kútiledi. Oblystyń soltústigi men shyǵysynda kóktaiǵaq bolady.

Qostanai oblysynyń batysynda, soltústiginde jáne shyǵysynda jaýyn-shashyn (kóbinese jańbyr) men kóktaiǵaq boljanady. Túnde jáne tańerteń soltústik pen shyǵysta tuman túsedi. Jel ońtústikten, ońtústik-shyǵystan soǵyp, oblystyń batysy men soltústiginde ekpini sekýndyna 15-20 metrge jetedi. Qostanai qalasynda da túnde jáne tańerteń jaýyn-shashyn men kóktaiǵaq kútiledi.

Aqmola oblysynyń batysynda, soltústiginde jáne shyǵysynda túnde qar jaýyp, kóktaiǵaq bolady. Birqatar aýdanda tuman túsedi. Jel ońtústikten, ońtústik-shyǵystan soǵady. Túnde oblystyń batysy men soltústiginde jeldiń ekpini sekýndyna 15-20 metrge jetýi múmkin. Kókshetaýda túnde jel ekpini sekýndyna 15 metrge deiin kúsheiedi.

Soltústik Qazaqstan oblysynyń batysy men soltústiginde jańbyr men qar túrinde jaýyn-shashyn jaýyp, kóktaiǵaq bolady. Soltústik jáne shyǵys aýdandarda tuman kútiledi. Túnde ońtústikten soqqan jeldiń ekpini sekýndyna 15-20 metrge jetedi. Petropavlda tuman túsip, túnde jel kúsheiedi.

Batys Qazaqstan oblysynyń soltústigi men shyǵysynda jańbyr, qar jaýyp, kóktaiǵaq bolady. Túnde jáne tańerteń tuman kútiledi. Oral qalasynda túnde jaýyn-shashyn, tuman jáne kóktaiǵaq boljanady.

Atyraý men Mańǵystaý oblystarynda da tuman kútiledi. Mańǵystaý oblysynyń batysy men soltústiginde soltústik-batystan soqqan jeldiń ekpini sekýndyna 15-20 metrge jetedi. Aqtaý qalasynda da jel kúsheiedi.

Almaty oblysynyń ońtústigi men taýly aýdandarynda tuman túsedi. Taýly aimaqtarda ońtústik-shyǵystan soqqan jeldiń ekpini sekýndyna 15-20 metrge deiin jetýi múmkin. Qonaev qalasynda túnde jáne tańerteń tuman kútiledi. Ile Alataýynyń Medeý jáne Bostandyq aýdandarynyń taýly aimaqtarynda da kei ýaqyttarda tuman bolady.

Jetisý oblysynyń soltústiginde, ortalyǵynda jáne taýly aýdandarynda túnde jáne tańerteń tuman kútiledi. Alakól kólderi aýdanynda soltústik-shyǵystan soqqan jeldiń ekpini sekýndyna 15-20 metrge jetýi múmkin. Taldyqorǵan qalasynda da tuman boljanady.

Jambyl oblysynda tuman túsedi. Oblystyń ońtústik-batysynda, soltústik-shyǵysynda jáne taýly aýdandarynda jeldiń ekpini sekýndyna 15-20 metrge, kúndiz 25 metrge deiin kúsheiýi yqtimal. Taraz qalasynda túnde jáne tańerteń tuman kútiledi.

Qyzylorda oblysynyń soltústiginde, shyǵysynda jáne ortalyǵynda túnde jáne tańerteń tuman bolady. Kúndiz oblystyń ortalyǵy men shyǵysynda jeldiń ekpini sekýndyna 15-20 metrge jetedi. Oblystyń ońtústik-batysy men soltústiginde joǵary órt qaýpi saqtalady.

Túrkistan oblysynyń batysynda, ońtústiginde, taýly jáne taý bókterindegi aýdandarynda tuman kútiledi. Kúndiz soltústik-shyǵystan soqqan jeldiń ekpini sekýndyna 15-20 metrge jetýi múmkin.

Sondai-aq Pavlodar, Qaraǵandy, Ulytaý, Abai jáne Shyǵys Qazaqstan oblystarynda tuman boljanady. Ulytaý oblysynda tańerteń jáne kúndiz jeldiń ekpini sekýndyna 15-20 metrge deiin kúsheiedi. Qaraǵandy oblysynyń ońtústiginde kúndiz jel ekpini sekýndyna 15 metrge jetýi múmkin.

Budan bólek, Jetisý oblysynyń ońtústik-shyǵysynda, sondai-aq Almaty oblysynyń soltústigi men shyǵysynda joǵary órt qaýpi saqtalady.

Mamandar júrgizýshilerge kóktaiǵaq kezinde jolda barynsha saq bolýdy, jyldamdyqty tómendetip, qaýipsiz araqashyqtyqty saqtaýdy eskertedi.