Shyǵys Qazaqstan oblysynda Zaisan jáne Katonqaraǵai aýdandaryndaǵy eki áýejaidyń qurylysy jalǵasyp jatyr. Bul týraly oblys ákimdiginiń baspasóz qyzmeti habarlady, dep jazady ult.kz.
Qazirgi ýaqytta eki nysanda da ushý-qoný jolaqtary, perrondar men rýldeý joldary salynyp bitken. Qurylysshylar injenerlik jelilerdi tartý, jabdyqtardy ornatý jáne ǵimarattardyń ishki árleý jumystaryn júrgizip jatyr.
Zaisan áýejaiynda kirme joldar men negizgi injenerlik jelilerdiń qurylysy aiaqtalǵan. Sondai-aq jaryq-signal berý jáne radionavigatsiialyq jabdyqtar ornatylǵan. Qazir áýejai infraqurylymy ǵimarattarynyń ishki árleý, jabdyqtardy montajdaý jáne iske qosý-baptaý jumystary júrgizilýde.
Sonymen qatar Zaisan áýejaiynda Qazaqstannyń Aviatsiialyq ákimshiligi sertifikattaý rásimin bastady.
Al Katonqaraǵai áýejaiynda ushý-qoný jolaǵy, perron, rýldeý joly jáne blokty-modýldik qazandyqtyń qurylysy aiaqtalǵan. Budan bólek, respýblikalyq mańyzy bar avtomobil jolynyń baǵyty ózgertilgen.
Qazir nysanda injenerlik jeliler tartylyp, tazartý qurylystary salynyp jatyr. Áýejai infraqurylymy ǵimarattarynyń ishki árleý jáne aeronavigatsiialyq jabdyqtardy ornatý jumystary da jalǵasýda.
