16 qarashada Qazaqstannyń batysynda, soltústiginde, soltústik-batysynda jáne ońtústik-shyǵysynda jańbyr men qar jaýady. Soltústik-batysta túnde jaýyn-shashyn kúsheiedi. Qalǵan aýmaqta jaýyn-shashyn kútilmeidi. “Qazgidromet” boljamynsha, birqatar óńirde tuman túsip, jel kúsheiedi, batys pen soltústik óńirlerde kóktaiǵaq bolady, dep habarlaidy ult.kz.
Astanada jaýyn-shashynsyz aýa raiy boljanǵanymen, túnde joldar taiǵaq bolyp, túngi jáne tańǵy ýaqytta tuman túsedi. Temperatýra túnde –1…–3, kúndiz 0…+2 gradýs bolady. Almatydatúnde kei ýaqytta qar jaýyp, tuman túsedi, kúndiz jaýyn-shashyn toqtaidy. Túnde –5…–7, kúndiz +2…+4 gradýs kútiledi. Shymkentte jaýyn-shashyn bolmaidy, túnde jáne tańerteń tuman túsedi. Aýa temperatýrasy túnde +1…+3, kúndiz +12…+14 gradýsqa jetedi.
Batys Qazaqstan oblysynyń soltústigi men shyǵysynda jańbyr, qar jáne kóktaiǵaq kútiledi. Aqtóbe oblysynda jaýyn-shashyn bolyp, túnde soltústik-batysynda qatty jańbyr jaýady. Qostanai oblysynyń batysynda, soltústigi men shyǵysynda jańbyr jaýyp, kóktaiǵaq bolady. Atyraý oblysynyń batysynda, Mańǵystaý oblysynyń soltústiginde túnde jáne tańerteń tuman túsedi. Bul eki óńirde jeldiń ekpini sekýndyna 15–20 metrge deiin jetedi.
Aqmola oblysynyń birqatar aýdanynda túnde qar jaýyp, kóktaiǵaq bolady. Soltústik Qazaqstan oblysynyń batysy men soltústiginde jańbyr men qar kútiledi. Pavlodar oblysynyń batysynda, shyǵysy men ortalyǵynda tuman túsedi. Qaraǵandy jáne Ulytaý oblystarynyń soltústigi men shyǵysynda túnde jáne tańerteń tuman bolyp, kei aýdandarynda jel kúsheiedi. Abai oblysynyń soltústigi men ortalyǵynda, Shyǵys Qazaqstan oblysynyń soltústigi men shyǵysynda da tuman kútiledi.
Almaty oblysynyń ońtústigi men taýly aýdandarynda, Jetisý oblysynyń soltústiginde, ortalyǵy men taýly aýmaqtarynda tuman túsedi. Taýly jerlerde jáne Alakól mańynda jeldiń ekpini sekýndyna 15–20 metrge jetedi. Jambyl oblysynda tuman túsip, kúndiz jel ekpini sekýndyna 25 metrge deiin kúsheiedi. Túrkistan oblysynyń batysy, ońtústigi jáne taýly aýdandarynda tuman, soltústiginde ekpindi jel kútiledi. Qyzylorda oblysynda jaýyn-shashyn bolmaidy, kei aýdandarynda tuman túsip, kúndiz jel kúsheiedi.
