Қазақстан Тәуелсіздігіне 25 жыл

“Óziniń kim ekenin bilmeidi”: Oljas Abai Rústem Janyamanov týraly pikir bildirdi

“Óziniń kim ekenin bilmeidi”: Oljas Abai Rústem Janyamanov týraly pikir bildirdi
Foto: neirojeli arqyly jasaldy

Akter Oljas Abai áriptesi Rústem Janyamanovtyń shyǵarmashylyq áleýetine toqtalyp, onymen aýqymdy jobalar jasaýǵa bolatynyn aitty, dep habarlaidy ult.kz.

Onyń pikirinshe, Janyamanovtyń oi-órisi keń bolǵanymen, minez jaǵynan jetispeitin tustary bar.

“Rústem Janyamanovta intellekt bar. Biraq minez az. Onymen úlken jumystar jasaýǵa bolady. Ol ózin áli tappady. Ol óziniń kim ekenin bilmei júr”, – dedi Oljas Abai.

Sondai-aq akter áriptesine birge jumys isteitin jaqsy seriktes qajet dep esepteidi.

“Adam adamǵa ǵana áser ete alady. Jalǵyz óziń shyǵyp, “maǵan qarańdar” dei bermeisiń ǵoi. Oǵan jaqsy partner tabylýy kerek”, – dedi ol.

Aita keteiik, Oljas Abai anasynyń Dariǵany kelin retinde qalai qabyldaǵanyn aitty.

Rústem Janyamanov kim?

Rústem Janyamanov — qazaqstandyq teatr jáne kino akteri. Kópshilikke “Kelinjan” telehikaiasyndaǵy Qylyshbek rólimen tanylǵan.

Óner iesiniń aitýynsha, osy keiipkerden keiin kinoǵa, jarnamaǵa túsýge usynystar kóbeiip, akter retinde suranysy artqan.

Ol Temirbek Júrgenov atyndaǵy Qazaq ulttyq óner akademiiasynda bilim alǵan.

Bastapqyda sýretshi bolýdy oilaǵanymen, ustazy Esim Segizbaevtyń keńesimen akterlik mamandyqty tańdaǵan. Jubaiy Janargúl Janyamanova da — aktrisa. Ekeýi óner akademiiasynda oqyp júrgende tanysqan.