Ánshi Sáken Maiǵaziev Maqsat Bazarbaidy 50 jasqa tolýymen quttyqtap, ekeýiniń dostyǵy týraly jazdy, dep habarlaidy ult.kz.

Óner iesi jelidegi paraqshasynda el arasyndaǵy túrli áńgimege qaramastan, dosymen syilastyǵyna syzat túspegenin jetkizdi.

“Aq Mákem, biz týraly ósek-aiań kóp. Ol bizdiń berik dostyǵymyzǵa kedergi emes. Qýanyshymyzda da, qiyndyǵymyzda da bir-birimizdiń qasymyzdan tabyla biletinimiz birinshi Allaǵa, sosyn bizge aian. Syzat túspegen syilastyǵymyz taǵy elý jylǵa jalǵassyn! 50 jasyń qutty bolsyn, dosym! Otbasyńa amandyq, shyǵarmashylyǵyńa shabyt tileimin. Qushaqtadym!” – dep jazdy Sáken Maiǵaziev.

Jeli qoldanýshylary da quttyqtaýǵa qosylyp, Maqsat Bazarbaiǵa aq tilekterin arnady.

Aita keteiik, Sáken Maiǵaziev Meirambekti 50 jasymen quttyqtady.

Maqsat Bazarbaev kim?

Maqsat Bazarbaev — qazaqstandyq estrada ánshisi, “MýzART” tobynyń alǵashqy quramynda óner kórsetken oryndaýshylardyń biri.

Ol 1976 jylǵy 14 qarashada Jambyl oblysy Qordai aýdanyndaǵy Kenen Ázirbaev atyndaǵy aýylda dúniege kelgen.

Óner jolynda “Baýyrjan shoý” teatrynda ánshi ári akter bolyp eńbek etken.

2001 jyly Meirambek Bespaev jáne Sáken Maiǵazievpen birge “MýzART” tobyn quryp, kópshilikke tanyldy. Top quramynda tórt jyl óner kórsetip, 2005 jyly jeke shyǵarmashylyqqa bet burdy. Tyńdarmanǵa “Dúngen qyzy” ánimen de tanys.