Dariǵa Badyqova men Aisholpan Baitúgel Instagram paraqshalarynda birlesken jańa videosyn jariialap, kópshiliktiń yqylasyna bólendi, dep habarlaidy ult.kz.
Ekeýiniń jarasymdy obrazy men ózara úilesimi jeli qoldanýshylarynyń nazaryn aýdardy.
Pikir qaldyrǵandar ásirese Dariǵanyń mysy basym ekenin aityp, aktrisanyń harizmasyn erekshe atap ótken. Sondai-aq ekeýiniń bet-álpeti men qimylynan uqsastyq baiqaǵandar da az emes. Oqyrmandar olardyń birlesken jumysyn jyly qabyldap, osyndai videolardy jii jariialaýyn suraǵan.
Kezdesý barysynda Dariǵa Aisholpanǵa syilyq jasaǵan. Aisholpan "bári sizdi qoly ashyq adam deýshi edi. Ras eken” dep qýanady.
Aita keteiik, Dariǵa Badyqovanyń eks-jary Darhan Musaev qýanyshty jańalyǵyn aitty.
Dariǵa Badyqova kim?
Dariǵa Badyqova — qazaqstandyq teatr jáne kino aktrisasy, prodiýser. Kópshilikke «Kelinjan» telehikaiasyndaǵy Aisara róli arqyly keńinen tanyldy. Ázilge jaqyn keiipkerlerdi shynaiy somdap, kórermen yqylasyna bólengen.
Keiin kino óndirisine aralasyp, «Taptym-aý seni» filminde prodiýser ári basty róldi somdaýshy retinde kórindi.
Óner iesi Instagram paraqshasynda shyǵarmashylyq jańalyqtaryn, kúndelikti ómirinen úzindiler men ázil videolaryn bólisip turady.
