Aktrisa Dariǵa Badyqovanyń burynǵy kúieýi Darhan Musaevtyń “Súiemin deshi” filmi 1 jeltoqsannan bastap Qazaqstan kinoteatrlarynda kórsetiledi, dep habarlaidy ult.kz.

Shyǵarmashylyq toptyń tanystyrýynsha, týyndyda mahabbat pen saǵynysh, ázil men tosyn oqiǵalar toǵysady. Film 16 jastan asqan kórermenderge arnalǵan.

Basty rólderdi Tuńǵyshbai Jamanqulov, Aqniet Oryntai, Ámirhan Orazbaq, Elmira Qalbai, Qýandyq Júnisov, Áshim Ahmet jáne Qundyz Ýálihanqyzy somdaǵan.

Kartinanyń qoiýshy rejisseri — Ardaq Báltaev. Stsenariiin Ardaq Báltaev, Oljas Rahymǵazy jáne Nursultan Tursynov jazǵan. Darhan Musaev jobaǵa Oljas Rahymǵazymen birge prodiýser retinde qatysqan. Bas prodiýseri — Hairol Marhaba.

Týyndynyń qoiýshy operatory — Meiirlan Ashekov, al mýzykasyn Erbol Narimanuly jazǵan.

Aita keteiik, Dariǵa Badyqova jan syryn aqtardy.

Dariǵa Badyqova kim? 
 

Dariǵa Badyqova — qazaqstandyq teatr jáne kino aktrisasy, prodiýser. Kópshilikke “Kelinjan” telehikaiasyndaǵy Aisara róli arqyly keńinen tanylǵan. Keiipkeriniń minezin, ázilin jáne aýyl turmysyn shynaiy jetkizýimen kórermen yqylasyna bólendi.

Aktrisalyq qyzmetimen qatar kino óndirisinde de eńbek etip, “Taptym-aý seni” jobasyna prodiýser ári basty róldi somdaýshy retinde qatysty.
Áleýmettik jelide shyǵarmashylyǵy men kúndelikti ómirinen jańalyqtar bólisip otyrady.