اكتەر ولجاس اباي ەرٸپتەسٸ رٷستەم جانىامانوۆتىڭ شىعارماشىلىق ەلەۋەتٸنە توقتالىپ, ونىمەن اۋقىمدى جوبالار جاساۋعا بولاتىنىن ايتتى, دەپ حابارلايدى ult.kz.
ونىڭ پٸكٸرٸنشە, جانىامانوۆتىڭ وي-ٶرٸسٸ كەڭ بولعانىمەن, مٸنەز جاعىنان جەتٸسپەيتٸن تۇستارى بار.
“رٷستەم جانىامانوۆتا ينتەللەكت بار. بٸراق مٸنەز از. ونىمەن ٷلكەن جۇمىستار جاساۋعا بولادى. ول ٶزٸن ەلٸ تاپپادى. ول ٶزٸنٸڭ كٸم ەكەنٸن بٸلمەي جٷر”, – دەدٸ ولجاس اباي.
سونداي-اق اكتەر ەرٸپتەسٸنە بٸرگە جۇمىس ٸستەيتٸن جاقسى سەرٸكتەس قاجەت دەپ ەسەپتەيدٸ.
“ادام ادامعا عانا ەسەر ەتە الادى. جالعىز ٶزٸڭ شىعىپ, “ماعان قاراڭدار” دەي بەرمەيسٸڭ عوي. وعان جاقسى پارتنەر تابىلۋى كەرەك”, – دەدٸ ول.
ايتا كەتەيٸك, ولجاس اباي اناسىنىڭ داريعانى كەلٸن رەتٸندە قالاي قابىلداعانىن ايتتى.
رٷستەم جانىامانوۆ كٸم?
رٷستەم جانىامانوۆ — قازاقستاندىق تەاتر جەنە كينو اكتەرٸ. كٶپشٸلٸككە “كەلٸنجان” تەلەحيكاياسىنداعى قىلىشبەك رٶلٸمەن تانىلعان.
ٶنەر يەسٸنٸڭ ايتۋىنشا, وسى كەيٸپكەردەن كەيٸن كينوعا, جارناماعا تٷسۋگە ۇسىنىستار كٶبەيٸپ, اكتەر رەتٸندە سۇرانىسى ارتقان.
ول تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا بٸلٸم العان.
باستاپقىدا سۋرەتشٸ بولۋدى ويلاعانىمەن, ۇستازى ەسٸم سەگٸزباەۆتىڭ كەڭەسٸمەن اكتەرلٸك ماماندىقتى تاڭداعان. جۇبايى جانارگٷل جانىامانوۆا دا — اكتريسا. ەكەۋٸ ٶنەر اكادەميياسىندا وقىپ جٷرگەندە تانىسقان.
