Braziliia fýtbolynyń áigili ókili Ronaldino Qazaqstannan barǵan búldirshinniń tusaýyn kesip, qazaqtyń salt-dástúrine qurmet kórsetti. Bir qyzyǵy, tanymal fýtbolshyny balanyń ózi tańdaǵan, dep habarlaidy ult.kz.
Balanyń ákesi ulyna saiasatkerlerdiń, milliarderler men álemge tanymal sportshylardyń sýretterin kórsetken. Olardyń arasynda Qazaqstan Prezidenti Qasym-Jomart Toqaev, AQSh prezidenti Donald Tramp, kásipker Ilon Mask, boksshy Maik Taison, Gennadii Golovkin, fýtbolshylar Lionel Messi jáne basqa da tanymal tulǵalar bolǵan.
Alaida búldirshin kópshiliktiń ishinen braziliialyq fýtbolshy Ronaldinonyń sýretin tańdaǵan. Osydan keiin balanyń otbasy Birikken Arab Ámirlikterine saparlap baryp, fýtbol ańyzymen júzdesken. Kezdesý barysynda Ronaldino qazaqtyń dástúrine sai búldirshinniń tusaýyn kesken.
Aita keteiik, buǵan deiin Ronaldinonyń kásibi fýtbolǵa qaita oralýdy josparlap otyrǵany týraly aqparat taraǵan edi. Braziliia quramasynyń burynǵy shabýylshysy Italiianyń «Ravenna» klýbynda oinaýy múmkin ekeni habarlanǵan.