Qyzylorda oblysynda 5 maýsym kúni joǵalyp ketken 6 jastaǵy Medina Muratbekqyzyn izdeý jumystary úshinshi táýlikke jalǵasýda, dep habarlaidy ult.kz.
Búldirshindi tabýǵa myńdaǵan maman men arnaiy tehnika jumyldyrylǵan. Politsiianyń málimetinshe, Medina 5 maýsym kúni saǵat 18:30 shamasynda Syrdariia ózeniniń jaǵalaýyndaǵy bógetke jaqyn ornalasqan «Rismash» aýdanyndaǵy úiinen oinaýǵa shyǵyp, qaita oralmaǵan.
Joǵalǵan kezde qyz bala gúldi sýreti bar ashyq jasyl tústi fýtbolka, aq sholaq shalbar jáne kók tústi aiaqkiim kigen bolǵan.
Izdeý jumystaryna politsiia qyzmetkerleri, tótenshe jaǵdailar mamandary, Ulttyq ulan áskeri qyzmetshileri, eriktiler, týystary men jergilikti turǵyndar qatysýda. Qyzdy izdeý jer ústinde, sý aidyndarynda jáne áýeden qatar júrgizilip jatyr.
Alisiia esimdi kóripkel qyzdyń qaida ekenin boljady.
«Erterek taýyp alsa, tynys alýy qiyn bolyp tur. Energiiasy álsiz. Kishkentai balada qorqynysh óte kóp. Er adamnyń energiiasy ony qolynan ustap alyp ketken. Janynda sý bar ekenin kórsetip tur. Men sýdy kórip turmyn», - degen ol.
