2026 jyldyń úshinshi toqsanynda Qazaqstandaǵy jumyssyzdyq deńgeii 4,5% boldy. Bul kezeńde el ekonomikasynyń túrli salasynda 9,4 mln adam eńbek etken, dep habarlaidy ult.kz.
Ulttyq statistika biýrosynyń málimetinshe, atalǵan kezeńde eldegi jumys kúshiniń sany 9 mln 849 myń adamǵa jetken. Onyń ishinde 9 mln 403,4 myń adam jumyspen qamtylǵan.
Jumys isteitinderdiń 7 mln 247,7 myńy nemese 77,1%-y – jaldamaly qyzmetkerler. Al 2 mln 155,7 adam (22,9%) ózin-ózi jumyspen qamtyǵandar. 15 jastan asqan halyq arasyndaǵy jumyspen qamtý deńgeii 64,3%-dy qurady.
Byltyrǵy jyldyń sáikes kezeńimen salystyrǵanda jumyspen qamtylǵandar sany 73,3 myń adamǵa artqan. Ósim negizinen jaldamaly qyzmetkerler esebinen tirkelgen.
Qai salada jumys isteitinder kóp?
Jumyspen qamtylǵandardyń basym bóligi myna salalarda eńbek etedi:
- saýda – 16,8%;
- bilim berý – 13,3%;
- ónerkásip – 12,6%;
- aýyl sharýashylyǵy – 10,5%.
Al jumys istemeitin, oqymaityn jáne kásibi daiarlyqtan ótpeitin jastardyń (NEET) úlesi 5,6%-dy qurady. 15-34 jas aralyǵyndaǵy jastar arasyndaǵy jumyssyzdyq deńgeii – 2,9%.
Ministrliktiń jumyspen qamtý organdarynda 2026 jylǵy qyrkúiektiń sońynda 346,9 myń jumyssyz resmi tirkelgen. Bul jumys kúshiniń 3,5%-yna teń.
