2026 جىلدىڭ ٷشٸنشٸ توقسانىندا قازاقستانداعى جۇمىسسىزدىق دەڭگەيٸ 4,5% بولدى. بۇل كەزەڭدە ەل ەكونوميكاسىنىڭ تٷرلٸ سالاسىندا 9,4 ملن ادام ەڭبەك ەتكەن, دەپ حابارلايدى ult.kz.
ۇلتتىق ستاتيستيكا بيۋروسىنىڭ مەلٸمەتٸنشە, اتالعان كەزەڭدە ەلدەگٸ جۇمىس كٷشٸنٸڭ سانى 9 ملن 849 مىڭ ادامعا جەتكەن. ونىڭ ٸشٸندە 9 ملن 403,4 مىڭ ادام جۇمىسپەن قامتىلعان.
جۇمىس ٸستەيتٸندەردٸڭ 7 ملن 247,7 مىڭى نەمەسە 77,1%-ى – جالدامالى قىزمەتكەرلەر. ال 2 ملن 155,7 ادام (22,9%) ٶزٸن-ٶزٸ جۇمىسپەن قامتىعاندار. 15 جاستان اسقان حالىق اراسىنداعى جۇمىسپەن قامتۋ دەڭگەيٸ 64,3%-دى قۇرادى.
بىلتىرعى جىلدىڭ سەيكەس كەزەڭٸمەن سالىستىرعاندا جۇمىسپەن قامتىلعاندار سانى 73,3 مىڭ ادامعا ارتقان. ٶسٸم نەگٸزٸنەن جالدامالى قىزمەتكەرلەر ەسەبٸنەن تٸركەلگەن.
قاي سالادا جۇمىس ٸستەيتٸندەر كٶپ?
جۇمىسپەن قامتىلعانداردىڭ باسىم بٶلٸگٸ مىنا سالالاردا ەڭبەك ەتەدٸ:
- ساۋدا – 16,8%;
- بٸلٸم بەرۋ – 13,3%;
- ٶنەركەسٸپ – 12,6%;
- اۋىل شارۋاشىلىعى – 10,5%.
ال جۇمىس ٸستەمەيتٸن, وقىمايتىن جەنە كەسٸبي دايارلىقتان ٶتپەيتٸن جاستاردىڭ (NEET) ٷلەسٸ 5,6%-دى قۇرادى. 15-34 جاس ارالىعىنداعى جاستار اراسىنداعى جۇمىسسىزدىق دەڭگەيٸ – 2,9%.
مينيسترلٸكتٸڭ جۇمىسپەن قامتۋ ورگاندارىندا 2026 جىلعى قىركٷيەكتٸڭ سوڭىندا 346,9 مىڭ جۇمىسسىز رەسمي تٸركەلگەن. بۇل جۇمىس كٷشٸنٸڭ 3,5%-ىنا تەڭ.
