قازاقستان پرەزيدەنتٸ قاسىم-جومارت توقاەۆ مەملەكەتتٸك ناگرادالار مەن قۇرمەتتٸ اتاقتار تٸزٸمٸن جاڭارتاتىن زاڭعا قول قويدى. قۇجاتتا عىلىم, بٸلٸم, مەدەنيەت, ٶنەر جەنە باسقا دا سالالارداعى جەتٸستٸكتەرٸ ٷشٸن ازاماتتاردى ماراپاتتاۋ تەرتٸبٸ ناقتىلاندى, دەپ حابارلايدى ult.kz.
زاڭعا 2026 جىلعى 11 قاراشادا قول قويىلىپ, سول كٷنٸ كٷشٸنە ەندٸ.
قازاقستاندا قانداي جاڭا وردەندەر پايدا بولدى?
جاڭارتىلعان مەملەكەتتٸك ناگرادالار تٸزٸمٸنە تاريحي تۇلعالاردىڭ ەسٸمٸ بەرٸلگەن جاڭا وردەندەر ەنگٸزٸلدٸ.
«Al-Farabi» وردەنٸ – بٸلٸم, عىلىم, مەدەنيەت جەنە رۋحاني ٶمٸر سالاسىنداعى ەرەكشە ەڭبەگٸ ٷشٸن قازاقستان ازاماتتارى مەن شەتەلدٸكتەرگە بەرٸلەدٸ.
«Qoja Ahmet Yasaui» وردەنٸ – اعارتۋ, مەدەنيەت, گۋمانيتارلىق جەنە ەلەۋمەتتٸك سالالاردىڭ دامۋىنا ٷلەس قوسقان وتاندىق جەنە شەتەلدٸك عالىمدار, مەملەكەت جەنە قوعام قايراتكەرلەرٸنە تابىستالادى.
سونداي-اق مەملەكەتتٸك مەدالدار قاتارىنا «شەمشٸ قالداياقوۆ» مەدالٸ قوسىلدى. ونى كومپوزيتورلار, ديريجەرلەر, ەن اۆتورلارى, دەستٷرلٸ جەنە ەسترادالىق مۋزىكا ورىنداۋشىلارى, سونداي-اق مۋزىكالىق ٶنەردٸڭ دامۋىنا ٷلەس قوسقان ازاماتتار الا الادى.
قانداي جاڭا قۇرمەتتٸ اتاق بەرٸلەدٸ?
زاڭدا «قازاقستاننىڭ ەڭبەك سٸڭٸرگەن سۋرەتشٸسٸ» دەگەن قۇرمەتتٸ اتاق قاراستىرىلعان.
بۇل اتاق سۋرەتشٸلەرگە, مٷسٸنشٸلەرگە, كەسكٸندەمەشٸلەرگە, گرافيكتەرگە, زەرگەرلەرگە, ديزاينەرلەرگە, رەستاۆراتورلار مەن سەندٸك-قولدانبالى ٶنەر شەبەرلەرٸنە بەرٸلەدٸ.
سونىمەن قاتار عىلىم, تەحنيكا, ٶنەركەسٸپ, قۇرىلىس, گەولوگييا, كٶلٸك, اۋىل جەنە سۋ شارۋاشىلىعى سالالارىنداعى قۇرمەتتٸ اتاقتار تٸزٸمٸ دە جاڭارتىلعان.
قانداي ماراپات يەلەرٸنە اقشالاي تٶلەم بەرٸلەدٸ?
زاڭدا بٸرقاتار قۇرمەتتٸ اتاق يەلەرٸنە مەملەكەتتٸك تٶلەم جاساۋ تەرتٸبٸ دە كٶرسەتٸلگەن.
«قازاقستاننىڭ ەڭبەك سٸڭٸرگەن ۇستازى» اتاعىن العان پەداگوگتەرگە بٸرجولعى تٶلەم بەرٸلەدٸ. ونىڭ مٶلشەرٸ «پەداگوگ مەرتەبەسٸ تۋرالى» زاڭدا بەلگٸلەنگەن.
«قازاقستاننىڭ ەڭبەك سٸڭٸرگەن دەرٸگەرٸ» اتاعىن العان مەديتسينا قىزمەتكەرلەرٸنە دە بٸرجولعى تٶلەم قاراستىرىلعان.
«قازاقستاننىڭ عارىشكەر-ۇشقىشى» اتاعىنىڭ يەلەرٸنە ارناۋلى مەملەكەتتٸك جەردەماقى تٶلەنەدٸ.
ەرتٸستەر مەن جازۋشىلارعا قويىلاتىن تالاپتار ٶزگەردٸ
«قازاقستاننىڭ حالىق ەرتٸسٸ» اتاعىن تەاتر, تسيرك, مۋزىكا جەنە كينو سالاسىندا ەرەكشە ەڭبەك سٸڭٸرگەن ٶنەر قايراتكەرلەرٸ الا الادى.
الايدا ٷمٸتكەرلەر بۇعان دەيٸن «قازاقستاننىڭ ەڭبەك سٸڭٸرگەن ەرتٸسٸ» نەمەسە «قازاقستاننىڭ ەڭبەك سٸڭٸرگەن قايراتكەرٸ» اتاعىن يەلەنۋٸ كەرەك.
ال «قازاقستاننىڭ حالىق جازۋشىسى» اتاعى وتاندىق ەدەبيەتتٸڭ دامۋىنا ەرەكشە ٷلەس قوسقان قالامگەرلەرگە بەرٸلەدٸ. وعان «قازاقستاننىڭ ەڭبەك سٸڭٸرگەن قايراتكەرٸ» اتاعىنىڭ يەلەرٸ مەن ەدەبيەت سالاسىنداعى مەملەكەتتٸك سىيلىقتىڭ لاۋرەاتتارى ٷمٸتكەر بولا الادى.
ەڭ جوعارى مەملەكەتتٸك ناگرادالار ناقتىلاندى
زاڭعا سەيكەس, «التىن قىران» وردەنٸ قازاقستان رەسپۋبليكاسىنىڭ ەڭ جوعارى دەرەجەلٸ ەرەكشەلٸك بەلگٸسٸ بولىپ سانالادى.
ال «حالىق قاھارمانى» اتاعى ەل الدىنداعى ەرەكشە ەڭبەگٸ مەن ەلدٸڭ بوستاندىعى مەن تەۋەلسٸزدٸگٸ جولىنداعى ەرلٸگٸ ٷشٸن بەرٸلەدٸ. بۇل اتاققا يە بولعاندارعا «التىن جۇلدىز» بەن «وتان» وردەنٸ تابىستالادى.
سونداي-اق زاڭدا قازاقستاننىڭ تۇڭعىش پرەزيدەنتٸنە مەرتەبەسٸنە سەيكەس «حالىق قاھارمانى» اتاعى تيٸستٸ ناگرادالارىمەن بٸرگە بەرٸلگەنٸ تۋرالى نورما بەكٸتٸلگەن.
قازاقستاننىڭ داڭق كٸتابىنا كٸمدەردٸڭ ەسٸمٸ ەنگٸزٸلەدٸ?
جوعارى مەملەكەتتٸك ناگرادالار مەن بٸرقاتار وردەندەردٸڭ يەگەرلەرٸ تۋرالى مەلٸمەتتەر قازاقستان رەسپۋبليكاسىنىڭ داڭق كٸتابىنا ەنگٸزٸلەدٸ.
ولاردىڭ قاتارىندا «وتان», «بارىس» I دەرەجەلٸ, «داڭق» I دەرەجەلٸ, «Al-Farabi» جەنە «Qoja Ahmet Yasaui» وردەندەرٸنٸڭ يەگەرلەرٸ, سونداي-اق ەڭ جوعارى دەرەجەلٸ ەرەكشەلٸك بەلگٸلەرٸمەن ماراپاتتالعان ازاماتتار بار.
داڭق كٸتابىن جٷرگٸزۋ, ساقتاۋ تەرتٸبٸ مەن ونىڭ سيپاتتاماسىن ٷكٸمەت بەكٸتەدٸ.
