قازاقستاندا 729 ازامات مەملەكەت تاعايىنداعان ەلەۋمەتتٸك تٶلەمدەر مەن جەردەماقىلاردان ٶز ەركٸمەن باس تارتقان, دەپ حابارلايدى ult.kz ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.
مينيسترلٸكتٸڭ مەلٸمەتٸنشە, 2026 جىلعى قازاندا ٸسكە قوسىلعان «ەلەۋمەتتٸك تٶلەمدەردەن ٶز ەركٸمەن باس تارتۋ» تسيفرلىق سەرۆيسٸن وسى ۋاقىتقا دەيٸن 729 ادام پايدالانعان.
سەرۆيس نە ٷشٸن قاجەت?
بۇل قىزمەت ماتەريالدىق جاعدايى جاقسى, ٶزٸن جەنە وتباسىن ٶز بەتٸنشە قامتاماسىز ەتۋگە مٷمكٸندٸگٸ بار ازاماتتارعا مەملەكەتتٸك قولداۋدان ەرٸكتٸ تٷردە باس تارتۋعا مٷمكٸندٸك بەرەدٸ.
سەرۆيس eGov Mobile موبيلدٸ قوسىمشاسىندا جەنە eGov.kz پورتالىندا قولجەتٸمدٸ. ازاماتتار مەملەكەتتٸك ورگاندارعا بارماي-اق, ەلەكتروندى ٶتٸنٸش بەرە الادى.
2027 جىلدان باستاپ نە ٶزگەرەدٸ?
مينيسترلٸك مەلٸمەتٸنشە, 2027 جىلعى 1 قاڭتاردان باستاپ ەلەۋمەتتٸك جەردەماقىلاردىڭ 36 تٷرٸنٸڭ 12-سٸ بويىنشا مەملەكەتتٸك قولداۋ كٶرسەتۋ تەتٸگٸ اتاۋلىلىق قاعيداتىنا كٶشەدٸ.
ياعني كٶمەك بٸرٸنشٸ كەزەكتە وعان شىن مەنٸندە مۇقتاج ازاماتتارعا باعىتتالادى.
ەلەۋمەتتٸك تٶلەمنەن باس تارتقان ادام كەيٸن قايتا ٶتٸنٸش بەرە الا ما?
مينيسترلٸك ەلەۋمەتتٸك تٶلەمدەردەن باس تارتۋ ازاماتتىڭ مٸندەتٸ ەمەس, تەك ٶز ەركٸمەن قابىلدايتىن شەشٸمٸ ەكەنٸن اتاپ ٶتتٸ.
ەگەر ادامنىڭ ٶمٸرلٸك جاعدايى ٶزگەرسە, ول مەملەكەتتٸك قولداۋدى قايتا تاعايىنداۋ تۋرالى ٶتٸنٸش بەرە الادى. ٶتٸنٸش قولدانىستاعى زاڭناماعا سەيكەس قارالادى.
مينيسترلٸك ازاماتتاردى كٷمەندٸ سٸلتەمەلەرگە ٶتپەۋگە جەنە سەرۆيستٸ تەك eGov Mobile مەن eGov.kz رەسمي پلاتفورمالارى ارقىلى پايدالانۋعا شاقىردى.
بۇعان دەيٸن 2027 جىلدان باستاپ قازاقستاندا كٸمدەردٸڭ جەردەماقىسى توقتاتىلۋى مٷمكٸن ەكەنٸن جازدىق.
