ورالدا پوليتسييا قىزمەتكەرٸنٸڭ ەلەكتروندىق تسيفرلىق قولتاڭباسىن (ەتسق) پايدالانىپ, تۇرعىنعا زاڭسىز ايىپپۇل سالىنعان. سوت ٸستٸ قاراۋ بارىسىندا پوليتسييا قىزمەتٸندەگٸ ٶرەسكەل زاڭبۇزۋشىلىقتاردى انىقتاپ, ايىپپۇلدىڭ كٷشٸن جويدى, دەپ حابارلايدى ult.kz.
«موي گورود» باسىلىمىنىڭ مەلٸمەتٸنشە, ورال قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان سوتىندا قارالعان ٸس بويىنشا ەيەلدٸڭ ٶزٸنە قاتىستى ەكٸمشٸلٸك حاتتاما تولتىرىلعانىنان مٷلدە حابارسىز بولعانى انىقتالدى. وعان ٸستٸڭ قارالاتىن ۋاقىتى مەن ورنى دا ەسكەرتٸلمەگەن. بۇعان قوسا, پوليتسييا قىزمەتكەرلەرٸ ونىڭ كٸنەسٸن راستايتىن دەلەلدەردٸ سوتقا ۇسىنا الماعان.
ٸستٸ قاراۋ كەزٸندە پوليتسييا ينسپەكتورى ٶزٸنٸڭ ەتسق قۇپييا كٸلتٸن باسقا ادامعا بەرگەنٸن مويىنداعان. ال ەلگٸ ادام قىزمەتكەردٸڭ ەلەكتروندىق قولتاڭباسىن پايدالانىپ, ونىڭ اتىنان ەكٸمشٸلٸك قۇقىق بۇزۋشىلىق تۋرالى قاۋلىلار رەسٸمدەگەن.
سونداي-اق پوليتسييا سوتتىڭ سۇراۋلارىنا تيٸستٸ جاۋاپ بەرمەي, قۇقىق بۇزۋشىلىق دەرەگٸن دە, ەيەلدٸ ٸستٸ قاراۋ ٷشٸن بٶلٸمشەگە شاقىرعانىن دا دەلەلدەي الماعان.
وسىعان بايلانىستى سوت زاڭسىز سالىنعان ايىپپۇلدىڭ كٷشٸن جويىپ, باتىس قازاقستان وبلىستىق پوليتسييا دەپارتامەنتٸنٸڭ باسشىلىعىنا جەكە قاۋلى شىعاردى.
ەندٸ ۆەدومستۆو باسشىلىعى قىزمەتتٸك تەكسەرٸس جٷرگٸزٸپ, ەلەكتروندىق قاۋلىلاردى ٸس جٷزٸندە كٸم تولتىرعانىن, بٶگدە ادامنىڭ پوليتسەيدٸڭ ەتسق-سىنا قالاي قول جەتكٸزگەنٸن جەنە مۇنداي زاڭبۇزۋشىلىققا نە سەبەپ بولعانىن انىقتاۋى تيٸس.
