بەلگٸلٸ رەجيسسەر اقان ساتاەۆتىڭ قازاق حالقىنىڭ اشارشىلىق جىلدارىنداعى قاسٸرەتتٸ تاعدىرىن بەينەلەيتٸن "كٷلپەش" فيلمٸنٸڭ تۇساۋكەسەرٸ كەيٸنگە شەگەرٸلدٸ. بۇل تۋرالى SATAIFILM كينوستۋديياسى مەلٸمدەدٸ, دەپ حابارلايدى ult.kz.
باستاپقى جوسپار بويىنشا, كارتينانىڭ العاشقى كٶرسەتٸلٸمٸ 10 قاراشادا الماتىداعى Forum ساۋدا ورتالىعىندا ورنالاسقان كينوتەاتردا ٶتۋٸ كەرەك ەدٸ. ال 11 قاراشادان باستاپ تۋىندىنى ەلٸمٸزدٸڭ بارلىق كينوتەاترلارىندا كٶرسەتۋ كٶزدەلگەن بولاتىن. الايدا كٶپتەن كٷتكەن پرەمەراعا ساناۋلى ساعات قالعاندا ونىڭ ٶتپەيتٸنٸ حابارلاندى.
كينوستۋدييا ٶكٸلدەرٸ مۇنداي شەشٸمنٸڭ قابىلدانۋىنا قاجەتتٸ رەسٸمدەردٸڭ ەلٸ تولىق اياقتالماۋى سەبەپ بولعانىن تٷسٸندٸردٸ. دەگەنمەن ناقتى قانداي قۇجاتتار نەمەسە تالاپتار تۋرالى سٶز بولىپ وتىرعانىن اشىپ ايتپادى.
"بارلىق قاجەتتٸ رەسٸمدٸ اياقتاۋ ٷشٸن بٸزگە قوسىمشا ۋاقىت قاجەت. وسى ماڭىزدى كەشتٸ بٸزبەن بٸرگە ٶتكٸزۋگە نيەتتەنگەن جانداردان كەشٸرٸم سۇرايمىز. تٷسٸنٸستٸك تانىتىپ, قولداۋ بٸلدٸرگەندەرٸڭٸزگە العىس ايتامىز. ەزٸرگە پرەمەرا مەن پروكاتتى شامامەن بٸر اپتاعا شەگەرۋدٸ جوسپارلاپ وتىرمىز", – دەلٸنگەن كينوستۋدييانىڭ حابارلاماسىندا.
وسىلايشا, فيلمنٸڭ تۇساۋكەسەرٸ دە, كينوتەاترلارداعى كٶرسەتٸلٸمٸ دە ۋاقىتشا توقتاتىلدى. جاڭا كٷن ەزٸرگە بەلگٸلەنگەن جوق. ۇيىمداستىرۋشىلار ناقتى مەرزٸمدٸ كەيٸنٸرەك جارييالاۋعا ۋەدە بەردٸ.
فيلم نە تۋرالى?
"كٷلپەش" فيلمٸ – قازاق ەدەبيەتٸنٸڭ كٶرنەكتٸ ٶكٸلٸ, ساياسي قۋعىن-سٷرگٸن قۇربانى بەيٸمبەت مايليننٸڭ اتتاس شىعارماسى بويىنشا تٷسٸرٸلگەن تاريحي تۋىندى. كارتينادا اشارشىلىق جىلدارىندا كٷنكٶرٸستەن تارىققان قازاق وتباسىنىڭ اۋىر تاعدىرى سۋرەتتەلەدٸ. باستى كەيٸپكەر كٷلپەش كٷيەۋٸ مەن كٸشكەنتاي ۇلىن اشتىقتان امان الىپ قالۋعا تىرىسادى. الايدا جوقشىلىق ەبدەن قاجىتقان وتباسى كٷن ٶتكەن سايىن تىعىرىققا تٸرەلە تٷسەدٸ. ٷي ٸشٸن اسىراۋعا شاماسى جەتپەگەن كٷيەۋٸ بٸرتٸندەپ ٷمٸتٸن ٷزسە, كٷلپەش بالاسىنىڭ ٶمٸرٸن ساقتاپ قالۋ ٷشٸن جانىن قينايتىن اۋىر شەشٸم قابىلداۋعا مەجبٷر بولادى. فيلمدە انانىڭ پەرزەنتٸنە دەگەن شەكسٸز ماحابباتى, وتباسى ٷشٸن تارتقان ازابى جەنە اشارشىلىقتىڭ ادام ٶمٸرٸنە سالعان ٶشپەس جاراسى كٶرسەتٸلەدٸ.
تاريحي تۋىندىداعى باستى رٶلدەردٸ گٷلميرا حاسانوۆا, ەركەبۇلان دايىروۆ, بايكەنجە بەلباەۆ جەنە باسقا دا اكتەرلەر سومداعان.
كينوستۋدييانىڭ رەسمي حابارلاماسىنان كەيٸن جەلٸ قولدانۋشىلارى تٷرلٸ پٸكٸر بٸلدٸردٸ. بٸرٸ شىعارماشىلىق ۇجىمعا قولداۋ كٶرسەتٸپ, فيلمنٸڭ جارىققا شىعۋىن اسىعا كٷتەتٸنٸن جازسا, ەندٸ بٸرٸ پرەمەرانىڭ اياقاستىنان كەيٸنگە قالۋىنا ناقتى نە سەبەپ بولعانىن بٸلگٸسٸ كەلدٸ.
ەزٸرگە كينوستۋدييا قوسىمشا رەسٸمدەردٸ اياقتاۋ قاجەتتٸگٸنەن باسقا تٷسٸنٸكتەمە بەرگەن جوق. سوندىقتان فيلم كٶرسەتٸلٸمٸنٸڭ شەگەرٸلۋٸنە قاتىستى ٶزگە بولجامدار رەسمي تٷردە راستالماعان.
