قازاقستاننىڭ ەڭبەك سٸڭٸرگەن ەرتٸسٸ باعدات سەمەدينوۆا "كٶرەمٸز" توك-شوۋىندا جەكە ٶمٸرٸندەگٸ قيىن كەزەڭدەردٸ ەسكە الىپ, بۇرىنعى كٷيەۋٸمەن نەلٸكتەن اجىراسقانىن سٶز ەتتٸ, دەپ حابارلايدى ult.kz.
باعدارلاما بارىسىندا ەنشٸنٸڭ بالا كٷننەن بٸرگە ٶسكەن قۇربىسى ەسەتكٷل سەريەۆا ونىڭ كٶپشٸلٸك بٸلە بەرمەيتٸن تاعدىرى تۋرالى ەڭگٸمەلەدٸ. ول باعدات سەمەدينوۆانىڭ ەكٸ قىزىن جالعىز ٶسٸرٸپ, تالاي قيىندىقتى باستان ٶتكەرگەنٸن ايتتى.
"قازٸرگٸ ٶمٸرٸن ايتىپ كٷلٸپ وتىرمىز. بٸراق باعداتتىڭ وتىرعان وتىرىسىندا قانشاما قيىنشىلىقتار باسىنان ٶتتٸ. ٶمٸرٸ قيىن بولدى. بٸراق سونىڭ بەرٸنە تٶزە بٸلدٸ. تٸپتٸ كونتسەرتكە كيٸپ شىعاتىن كيٸم تاپپاعان كەزٸ دە بولدى. تٸستەپ جٷرٸپ ەكٸ قىزدى باعىپ, ەشتەڭەدەن كەم قىلماي ٶسٸردٸ", – دەدٸ ەسەتكٷل سەريەۆا.
قۇربىسىنىڭ سٶزٸن جالعاعان ەنشٸ قىزدارى مەكتەپتە وقىپ جٷرگەن كەزدە وتباسىنىڭ بار اۋىرتپالىعى ٶز موينىنا تٷسكەنٸن جەتكٸزدٸ. ونىڭ ايتۋىنشا, سول جىلدارى بۇرىنعى كٷيەۋٸنەن ەشقانداي قولداۋ كٶرمەگەن.
"بالالارعا ٶزٸم انامىن, ٶزٸم ەكەمٸن. بۇل نەرسە بالالار مەكتەپ وقىپ جٷرگەن كەزدە بولدى. بۇرىنعى جولداسىمنان قولداۋ دا بولعان جوق. قايتا ونى مەن جەتەكتەپ جٷردٸم", – دەدٸ ٶنەر يەسٸ.
سوعان قاراماستان, ەنشٸ قىزدارىنىڭ ەكەسٸمەن ارالاسۋىنا قارسى بولماعان. قازٸر بۇرىنعى كٷيەۋٸ مەن قىزدارى بٸر-بٸرٸمەن حابارلاسىپ, سٶيلەسٸپ تۇرادى ەكەن.
"قازٸر ول كٸسٸ بار. قىزدارمەن سٶيلەسٸپ تۇرادى. ەكەسٸ عوي ەندٸ. ٶزدەرٸ حابارلاسادى بٸر-بٸرٸمەن. ماعان ول جاعىن ايتا بەرمەيدٸ", – دەدٸ باعدات سەمەدينوۆا.
ەڭگٸمە بارىسىندا جٷرگٸزۋشٸ ەنشٸدەن بۇرىنعى جارىنىڭ ساتقىندىعىن كەشٸرە العان-الماعانىن سۇرادى. بۇل ساۋالعا ٶنەر يەسٸ ٶتكەن ٶمٸرٸندەگٸ ٶكپە-رەنٸشتٸڭ ەلٸ دە ۇمىتىلماعانىن اڭعارتتى.
"كەشٸرمەگەندٸكتەن وسىنداي بولىپ وتىرمىز عوي. قالاي كەشٸرەسٸڭ? كٶپ نەرسەنٸ ايتپاي-اق قويايىنشى. ول ٶتكەن نەرسە", – دەپ جاۋاپ بەردٸ ەنشٸ.
وسىلايشا, باعدات سەمەدينوۆا بۇرىنعى وتباسىلىق ٶمٸرٸنە قاتىستى كٶپ جايتتى اشىپ ايتقىسى كەلمەيتٸنٸن بٸلدٸردٸ. قانشا قيىندىق كٶرسە دە, ەكٸ قىزىن قاتارىنان كەم قىلماي ٶسٸرگەن ەنشٸ بٷگٸندە ٶتكەن ٶمٸرٸنٸڭ كەيبٸر ەستەلٸكتەرٸن قوزعاماۋدى جٶن كٶرەدٸ.
باعدات سەمەدينوۆا كٸم?
باعدات سەمەدينوۆا – قازاق ەستراداسىنىڭ بەلگٸلٸ ەنشٸسٸ, قازاقستان رەسپۋبليكاسىنىڭ ەڭبەك سٸڭٸرگەن ەرتٸسٸ. ول 1954 جىلى 5 اقپاندا جامبىل وبلىسىنىڭ مەركٸ اۋدانىندا دٷنيەگە كەلگەن.
1975 جىلى الماتىداعى رەسپۋبليكالىق ەسترادا ٶنەرٸ ستۋديياسىن تەمامداپ, كەيٸن ەل-فارابي اتىنداعى قازاق مەملەكەتتٸك ۋنيۆەرسيتەتٸندە بٸلٸم العان. ٶنەر جولىن "قازاقكونتسەرت" ۇيىمىندا جالعاستىرىپ, ۇزاق جىلدار بويى قازاق ەن ٶنەرٸنٸڭ دامۋىنا ٷلەس قوسقان.
1985 جىلى رەسپۋبليكالىق "جٸگەر" فەستيۆالٸنٸڭ لاۋرەاتى اتانىپ, قىرعىزستاندا ٶتكەن ا. مالدىباەۆ اتىنداعى حالىقارالىق ٶنەر بايقاۋىندا جەڭٸسكە جەتكەن. سونداي-اق "سازگەن" انسامبلٸنٸڭ قۇرامىندا يتاليياداعى فولكلورلىق فەستيۆالدٸڭ باس جٷلدەسٸن يەلەنگەن.
ٶنەردەگٸ ەڭبەگٸ ٷشٸن 1995 جىلى قازاقستاننىڭ ەڭبەك سٸڭٸرگەن ەرتٸسٸ اتاعىن الىپ, 2011 جىلى "قۇرمەت", 2021 جىلى "پاراسات" وردەندەرٸمەن ماراپاتتالعان.
