ساحنادا مىڭداعان تىڭدارماننىڭ ىقىلاسىنا بٶلەنگەن ەنشٸلەر ٷيٸندە بٸرنەشە بالانىڭ ەكەسٸ مەن اناسى بولىپ وتىر. ولاردىڭ اراسىندا جەتٸ پەرزەنت سٷيگەندەر دە, بەس قىز ٶسٸرگەندەر دە بار, دەپ حابارلايدى ult.kz.
تٶرەعالي تٶرەەلٸ - جەتٸ بالانىڭ ەكەسٸ
تٶرەعالي تٶرەەلٸ مەن جۇبايى تولقىننىڭ شاڭىراعىندا جەتٸ بالا بار. ەنشٸنٸڭ جەتٸنشٸ پەرزەنتٸ — قىز بالا 2026 جىلدىڭ سەۋٸرٸندە دٷنيەگە كەلگەن.
گاسترولدٸك ساپارلارعا جيٸ شىعاتىن ٶنەر يەسٸنٸڭ بالالارىمەن قاۋىشقان سەتتەرٸ ەلەۋمەتتٸك جەلٸدە جارييالانىپ تۇرادى. ساحنادا ەنشٸ رەتٸندە تانىلعان تٶرەعالي ٷيٸندە جەتٸ بالانىڭ ەكەسٸ رەتٸندە جاۋاپكەرشٸلٸك ارقالاپ جٷر.
قاراقات ەبٸلدينا - تٶرت ۇل, ەكٸ قىزدىڭ اناسى
قاراقات ەبٸلدينا مەن قىدىرەلٸ بولمانوۆ التى بالا تەربيەلەپ وتىر.
ٶنەرلٸ جۇپتىڭ تٶرت ۇلى مەن ەكٸ قىزى بار. قاراقات جەتٸنشٸ بالا تۋرالى ەڭگٸمە بولعانىن دا ەزٸلمەن بٶلٸسكەن. ەنشٸنٸڭ ايتۋىنشا, كٷيەۋٸنە تاعى بٸر ۇل تۋىپ بەرۋ تۋرالى ايتقانىندا, قىزى ايالا بٸردەن قارسىلىق بٸلدٸرگەن. وسىلايشا, وتباسىنداعى ەڭگٸمە جۇرتقا جىلى ەزٸل رەتٸندە جەتتٸ.
دينارا سۇلتان - ٷش ۇل, ٷش قىزدىڭ اناسى
دينارا سۇلتان دا التى بالالى ٶنەر يەلەرٸنٸڭ قاتارىندا. ەنشٸنٸڭ ٷش ۇلى مەن ٷش قىزى بار. ول التىنشى پەرزەنتٸن 2020 جىلى دٷنيەگە ەكەلگەن.
بٸردە بالالارمەن بٸرگە تٷسكەن سۋرەتٸن كٶرگەن وقىرماندارى ولاردىڭ بەرٸ ەنشٸنٸڭ ٶز بالالارى ما دەپ سۇراعان. دينارا التى بالاسى بار ەكەنٸن, ال سۋرەتتەگٸ جەتٸنشٸ بالا نەمەرەسٸ ەكەنٸن تٷسٸندٸرگەن.
التىناي جوراباەۆا - بەس قىزدىڭ اناسى
التىناي جوراباەۆانىڭ شاڭىراعىندا بەس قىز ٶسٸپ كەلەدٸ.
ەنشٸ 2024 جىلدىڭ قاڭتارىندا بەسٸنشٸ رەت انا اتانعان. ال 2026 جىلى قىزدارىنىڭ بٸرٸن ۇزاتىپ, وتباسىنداعى ٷلكەن قۋانىشتىڭ كۋەسٸ بولدى. سول كەزدە ٶنەر يەسٸ بەس قىزىنىڭ بٸر-بٸرٸنە تٸرەك بولىپ, ارالارىنداعى باۋىرمالدىقتىڭ جىلدار ٶتكەن سايىن نىعايا تٷسۋٸن تٸلەگەن.
بٷركٸت - ەكٸ ۇل, ەكٸ قىزدىڭ ەكەسٸ
بٷركٸت پەن ايشا 2025 جىلدىڭ كٶكتەمٸندە تٶرتٸنشٸ پەرزەنتٸن قۇشاقتارىنا الدى.
قىزدى بولعان ٶنەرلٸ جۇپ وسىلايشا كٶپبالالى وتباسىلاردىڭ قاتارىنا قوسىلدى. قازٸر ولاردىڭ ەكٸ ۇلى مەن ەكٸ قىزى بار. ەنشٸ قۋانىشتى حاباردى ەلەۋمەتتٸك جەلٸدەگٸ پاراقشاسىندا پەرزەنتحانادان تٷسٸرٸلگەن بەينەجازبا ارقىلى جەتكٸزگەن.
