Sahnada myńdaǵan tyńdarmannyń yqylasyna bólengen ánshiler úiinde birneshe balanyń ákesi men anasy bolyp otyr. Olardyń arasynda jeti perzent súigender de, bes qyz ósirgender de bar, dep habarlaidy ult.kz.
Tóreǵali Tóreáli - jeti balanyń ákesi
Tóreǵali Tóreáli men jubaiy Tolqynnyń shańyraǵynda jeti bala bar. Ánshiniń jetinshi perzenti — qyz bala 2026 jyldyń sáýirinde dúniege kelgen.
Gastroldik saparlarǵa jii shyǵatyn óner iesiniń balalarymen qaýyshqan sátteri áleýmettik jelide jariialanyp turady. Sahnada ánshi retinde tanylǵan Tóreǵali úiinde jeti balanyń ákesi retinde jaýapkershilik arqalap júr.
Qaraqat Ábildina - tórt ul, eki qyzdyń anasy
Qaraqat Ábildina men Qydyráli Bolmanov alty bala tárbielep otyr.
Ónerli juptyń tórt uly men eki qyzy bar. Qaraqat jetinshi bala týraly áńgime bolǵanyn da ázilmen bólisken. Ánshiniń aitýynsha, kúieýine taǵy bir ul týyp berý týraly aitqanynda, qyzy Aiala birden qarsylyq bildirgen. Osylaisha, otbasyndaǵy áńgime jurtqa jyly ázil retinde jetti.
Dinara Sultan - úsh ul, úsh qyzdyń anasy
Dinara Sultan da alty balaly óner ieleriniń qatarynda. Ánshiniń úsh uly men úsh qyzy bar. Ol altynshy perzentin 2020 jyly dúniege ákelgen.
Birde balalarmen birge túsken sýretin kórgen oqyrmandary olardyń bári ánshiniń óz balalary ma dep suraǵan. Dinara alty balasy bar ekenin, al sýrettegi jetinshi bala nemeresi ekenin túsindirgen.
Altynai Jorabaeva - bes qyzdyń anasy
Altynai Jorabaevanyń shańyraǵynda bes qyz ósip keledi.
Ánshi 2024 jyldyń qańtarynda besinshi ret ana atanǵan. Al 2026 jyly qyzdarynyń birin uzatyp, otbasyndaǵy úlken qýanyshtyń kýási boldy. Sol kezde óner iesi bes qyzynyń bir-birine tirek bolyp, aralaryndaǵy baýyrmaldyqtyń jyldar ótken saiyn nyǵaia túsýin tilegen.
Búrkit - eki ul, eki qyzdyń ákesi
Búrkit pen Aisha 2025 jyldyń kókteminde tórtinshi perzentin qushaqtaryna aldy.
Qyzdy bolǵan ónerli jup osylaisha kópbalaly otbasylardyń qataryna qosyldy. Qazir olardyń eki uly men eki qyzy bar. Ánshi qýanyshty habardy áleýmettik jelidegi paraqshasynda perzenthanadan túsirilgen beinejazba arqyly jetkizgen.
