12 qarashada Qazaqstannyń basym bóliginde jańbyr men qar jaýyp, tuman túsedi, kóktaiǵaq bolady. Ońtústik-shyǵysta jaýyn-shashyn kúsheiip, batys, ońtústik jáne shyǵys óńirlerde jeldiń ekpini artady, dep habarlaidy ult.kz.
Astanada jaýyn-shashyn bolmaidy. Aýa temperatýrasy túnde −4…−6, kúndiz −1…+1 gradýs, jeldiń jyldamdyǵy sekýndyna 3–8 metr bolady. Almatyda túnde jańbyr men qar jaýyp, tuman túsýi múmkin, kúndiz jaýyn-shashyn toqtaidy. Túnde 0…+2, kúndiz +5…+7 gradýs, jel sekýndyna 3–8 metr bolady. Shymkentte jaýyn-shashyn kútilmeidi: túnde −1…−3, kúndiz +7…+9 gradýs. Jeldiń jyldamdyǵy sekýndyna 8–13 metrge jetedi.
Soltústik pen ortalyqta túngi aiaz saqtalady. Aqmola oblysynda jańbyr men qar jaýyp, kóktaiǵaq bolady: túnde −2…−7, kúndiz −2…+3 gradýs. Soltústik Qazaqstan oblysynda túnde azdaǵan qar jaýýy múmkin, temperatýra −5 gradýsqa, ońtústiginde −8 gradýsqa deiin tómendeidi, kúndiz 0…+5 gradýs bolady. Pavlodar oblysynda jaýyn-shashynsyz, túnde −4…−9, kúndiz −2…+3 gradýs kútiledi. Qaraǵandy jáne Ulytaý oblystarynda qar jaýyp, tuman túsedi, kóktaiǵaq bolady. Qaraǵandy oblysynyń shyǵysynda túnde −10 gradýsqa deiin sýytady.
Batys Qazaqstan men Atyraý oblystarynyń birqatar aýdanynda jańbyr jaýady. Batys Qazaqstan oblysynda túnde 0…+5, soltústik-shyǵysynda −3 gradýsqa deiin, kúndiz +3…+8 gradýs bolady. Jel ekpini sekýndyna 15–20 metrge jetedi. Atyraý oblysynda túnde 0…+5, shyǵysynda −3 gradýsqa deiin, kúndiz +5…+10 gradýs kútiledi. Aqtóbe oblysynda jańbyr men qar aralas jaýyn-shashyn, tuman jáne kóktaiǵaq boljanady: túnde 0…−5, kúndiz +2…+7 gradýs. Mańǵystaýdyń batysy men soltústik-shyǵysynda da jańbyr men qar jaýýy múmkin.
